Contricio a

Alia est compunctio siue contricio que per amorem nascitur, alia que per timorem, quia aliud est supplicia fugere, aliud premia desiderare.

Gregorius libro VIII. moralium.

Varia
Fons primus
[Back to top]

Contricio b

Sepe quod torpentes latuit, flentibus innotescit. Et afflicta mens certius inuenit malum quod fecerat et reatum suum cuius secura non meminit, hunc in se commota deprehendit.

Gregorius ibidem (libro VIII. moralium).

Varia
Fons primus
cf. Lacrima k
[Back to top]

Contricio c

Qui nescit lugere quod grauat, non ualet proferre quod subleuat. Vis conpunctionis poros cordis aperit et penas uirtutum fundit; cumque se studiose mens de pigra uetustate redarguit, alacri nouitate iuuenescit.

Gregorius libro XXI. moralium.

Varia
Fons primus
[Back to top]

Contricio d

Quo uberius culpa fletur, eo altior cognicio ueritatis attingitur quia ad uidendum internum lumen polluta dudum consciencia lacrimis baptizata renouatur.

Gregorius libro XVII. moralium.

Varia
Fons primus
cf. Penitencia r (2)
[Back to top]

Contricio e

Sola est conpunctio que facit animam horrescere purpuram, desiderare cilicium, amare lacrimas, fugere risum.

Crisostomus in libro de conpunctione cordis.

Varia
Fontes proximus et primi
[Back to top]

Contricio f

Contricio est humiliati cordis uera conpunctio, magna agere et humilia loqui, iuste operari et super peccatis timere ac tremere.

Crisostomus ibidem (in libro de conpunctione cordis).

Varia
Fons primus
[Back to top]

Contricio g

Gemitus dictus est geminatus luctus quem merito fideles appetunt quoniam diligentes consolatur, penitentes emundat, dyabolum fugat, Christo conciliat; amaritudo dulcis, lacrime felices, salutaris afflictio.

Cassiodorus super Psalmum VI.: Laboraui in gemitu meo.

Varia
Fons primus
[Back to top]

Contricio h

Dominus nescit differre quem conpuncto corde sibi senserit supplicare.

Cassiodorus super illud Psalmorum: Ad Dominum cum tribularer.

Varia
Fons primus
[Back to top]

Contricio i

Contricio est gemebundi cordis commocio salutaris, se ipsum lacrimarum eruptione testificans.

Hugo.

Varia
Fons primus
[Back to top]

Contricio k

Contricio est conpunctio animi cum lacrimis oriens ex recordacione peccati et timore iudicii.

Idem Hugo.

Varia
Fons primus
[Back to top]

Contricio l

Argumentum est in melius translati animi quod uicia sua que ad huc ignorabat uidet. Quibusdam egris gratulacio est cum ipsi egros se esse sensere.

Seneca epistola VIII.

Varia
Fons primus
[Back to top]

Contricio m

Magna pars bonitatis est uelle fieri bonum.

Seneca LV. epistola.

Varia
Fons primus
[Back to top]

Contricio n

Sciat se culpabiliter durum et dure culpabilem qui corporalem amici sui mortem deplorat et spiritualem anime sue mortem non deflet.

Innocencius de uilitate condicionis humane.

Varia
Fons primus
[Back to top]

Ubi

Delicie f
Deuocio i, Deuocio l
Lacrima a, Lacrima b, Lacrima d, Lacrima k, Lacrima q
Peccatum h
Penitencia n, Penitencia r, Penitencia ae

Varia