Desiderium a

Qui desiderat, etsi lingua taceat, corde cantat. Qui autem non desiderat, quolibet amore, quolibet clamore aures hominum feriat, intus mutus est Deo.

Augustinus super Psalmum LXXXVI.

Varia
Fons primus
[Back to top]

Desiderium b

Eciam quod tempore acceleratur, desiderio tardum uidetur.

Augustinus LXVIII. epistola.

Varia
Fons primus
[Back to top]

Desiderium c

Quod oculus non uidit et cetera. Desiderari potest, concupisci potest, suspirari in illud potest; digne cogitari et uerbis explicari non potest. Desiderium sinus cordis est; capiemus si desiderium quantum possumus extendamus.

Augustinus super Iohannem.

Varia
Fons primus
[Back to top]

Desiderium d

Quo diucius abest quod desideratur, tanto expectantis desideria maiora quadam ui amoris ignescunt. Caro deficit sed cupiditas alitur et augetur.

Ambrosius super Beati immaculati.

Varia
Fons primus
[Back to top]

Desiderium e

Sancta desideria dilacione crescunt. Si autem dilacione deficiunt, desideria non fuerunt.

Gregorius omelia XXIII. super euangelia.

Varia
Fons primus
[Back to top]

Desiderium f

Sancti uiri unde desideriorum suorum detrimenta tolerant, inde maiora lucra conuersis aliis reportant.

Gregorius ibidem.

Varia
Fons primus
[Back to top]

Desiderium g

Valentiores uoces apud secretissimas aures Dei non uerba faciunt sed desideria.

Gregorius in moralibus.

Varia
Fons primus
cf. Desiderium h
[Back to top]

Desiderium h

Quid clamas ad me? Voces apud aures Dei non faciunt uerba nostra sed desideria. Eternam enim uitam, si ore petimus, nec corde desideramus, clamantes tacemus. Si uero corde desideramus et ore tacemus, tacentes clamamus.

Gregorius ibidem.

Varia
Fons primus
cf. Desiderium g
[Back to top]

Desiderium i

Eciam celeritas in desiderio mora est.

Seneca in prouerbiis.

Varia
Fons primus
[Back to top]

Ubi

Concupiscencia e
Cupiditas n
Delicie d
Opus e
Tempus a

Varia