Desperacio a

Latro agnouit; Petrus negauit. In Petro demonstratur quemquam iustum non de se debere presumere, in latrone nullum impium conuersum debere diffidere. Timeat ergo bonus ne pereat per superbiam, et malus non desperet per multam maliciam.

Augustinus in libro de simbolo.

Varia
Fons primus
[Back to top]

Desperacio b

Nemo desperet. Iudam traditorem non tam scelus quod commisit quam indulgencie desperacio fecit penitus interire.

Augustinus in libro de utilitate agende penitencie.

Varia
Fons primus
[Back to top]

Desperacio c

Ne desperando augeamus peccata, propositus est penitencie portus; rursus ne sperando augeamus, datus est dies mortis incertus.

Augustinus ibidem.

Varia
Fons primus
[Back to top]

Desperacio d

Nemo diffidat, nemo ueterum conscius peccatorum premia diuina desperet. Nouit Dominus mutare sentenciam, si tu noueris emendare delictum.

Ambrosius super Lucam libro II.

Varia
Fons primus
cf. Correctio ac
[Back to top]

Desperacio e

Incumbit uirtuti seculi qui desperat de adiutorio Dei.

Ambrosius super Marcum.

Varia
Fons primus
cf. Secularis a
[Back to top]

Desperacio f

Illius eterne ciuitatis ianuas nobis desperacio claudit, spes aperit, fiducia latum prebet ingressum.

Crisostomus de reparatione lapsi.

Varia
Fons primus
[Back to top]

Desperacio g

Nullus desperare debet ueniam, eciam si circa finem uite ad penitenciam conuertatur. Vnumquemque enim Deus de suo fine non de uita preterita iudicat.

Ysidorus de summo bono libro II.

Varia
Fons primus
[Back to top]

Desperacio h

In uita hominis finis querendus est quoniam Deus non respicit quales antea uixerimus, sed quales circa finem uite erimus.

Ysidorus ibidem.

Varia
Fons primus
[Back to top]

Desperacio i

Perpetrare flagicium aliquod mors est anime, sed desperare est in infernum descendere.

Ysidorus ibidem.

Varia
Fons primus
[Back to top]

Desperacio k

Sceleratior omnibus, O Iuda, et infelicior extitisti quem non penitencia duxit ad Dominum, sed desperacio traxit ad laqueum.

Leo papa in sermone.

Varia
Fons primus
[Back to top]

Desperacio l

Prima salus est declinare culpam, secunda non desperare ueniam quia ipse se in eternum punit qui apud uerum iudicem ad penitenciam non recurrit.

Hugo libro de uera sapiencia.

Varia
Fons primus
[Back to top]

Desperacio m

Quamuis autem sint aspera et difficilia quecumque sunt in excelsis posita, non dubie fit ut in apertum campum ueniant, si itinerantibus nichil desperacionis occurrat.

Valerius episcopus in quodam sermone.

Varia
Fons primus
[Back to top]

Desperacio n

Desperacio est ad uite statum uel uirtutum reditum fracta spei gubernacio.

Victorinus.

Varia
Fons primus
[Back to top]

Desperacio o

Nemo se mutat qui se mutari desperat.

Seneca libro de moribus.

Varia
Fons primus
[Back to top]

Ubi

Amicicia bk
Apostoli b
Ignorancia h
Penitencia am, Penitencia an, Penitencia ar
SPES

Varia