Hospitalitas a

Discite, Christiani, sine discretione exhibere hospitalitatem ne forte cui domum clauseritis, cui humanitatem negaueritis, ipse sit Deus.

Augustinus contra V. hereses.

Varia
Fons primus
[Back to top]

Hospitalitas b

Obsecutus Loth angelis tanquam peregrinis consuetudine hospitalitatis, liberatus a periculo ciuitatis et temporale, euasit incendium, et eternum consecutus est premium.

Augustinus ibidem.

Varia
Fons primus
[Back to top]

Hospitalitas c

Tanta est apud Deum hospitalitatis gracia, ut ne potus quidem aque frigide a premiis remunerationis immunis sit. Vides quia Abraham Deum recipit hospitio dum hospites querit. Vides quia Loth angelos recipit. Vnde scis an et tu cum suscipis hominem, suscipias Christum? Licet in hospite Christus sit quia Christus in paupere est, sicut ipse ait: Hospes fui et cetera.

Ambrosius libro de officiis.

Varia
Fons primus
[Back to top]

Hospitalitas d

Est publica species humanitatis, ut peregrinus hospitio non egeat, susciapitur officiose, pateat aduenienti ianua.

Ibidem.

Varia
Fons primus
[Back to top]

Hospitalitas e

Vt humanitatis intuitu hospitio recipiat non habentes hospicium, et egenum sine tecto inducat in domum suam, nec solus deuoret bona Christi, que ei largita est bonitas Christi, et ut ylarem datorem diligat Christus, sine murmure contribuat pauperibus Christi.

Ambrosius in suo pastorali super illud ad Tytum I.: Hospitalitatem.

Varia
Fons primus
[Back to top]

Hospitalitas f

Hospes per famam eligendus est populi et iudicio uicinorum, ne predicationis dignitas suscipientis infamia deturpetur.

Ieronymus super Mattheum X.

Varia
Fons primus
[Back to top]

Hospitalitas g

Qualem mercedem habet, qui propter Deum peregrinatur, talem habet, qui suscipit peregrinantem. Et fiunt ambo equales, et qui propter Deum refrigerat, et qui propter Deum laborat.

Crisostomus super Mattheum XI.

Varia
Fons primus
[Back to top]

Hospitalitas h

Socrates, cum hospites suos satis tenui cena suscipere pararet, et amicus eius hoc ei uituperaret, respondit: Si boni uiri sunt, equanimiter ferent; si mali, non curabuntur. Si res tua tibi non sufficit, tu parcendo fac, ut rei sufficias tue.

Seneca.

Varia
Fons primus
[Back to top]

Ubi

Sapiencia g
Christianus c

Varia