Innocencia a

Illa est uera innocencia, que nec inimico nocet.

Augustinus super Psalmos.

Varia
Fons primus
[Back to top]

Innocencia b

Vera innocencia est, ubi integritas est sine peccato, reddicio est sine debito, flagellum sine merito.

Augustinus super Psalmum XXXVIII.

Varia
Fons primus
[Back to top]

Innocencia c

Quid est innocens? Qui cum aliis non nocet nec sibi nocet. Qui enim et sibi nocet non est innocens.

Augustinus super Psalmum XCIX.

Varia
Fons primus
[Back to top]

Innocencia d

Innocencia et integritas leui sorde aspersa uiolatur et gracie sue munus amittit.

Ambrosius in exameron.

Varia
Fons primus
[Back to top]

Innocencia e

Sicut paruulus non perseuerat in iracundia, non lesus meminit, non uidens pulchram mulierem delectatur, non aliud cogitat et aliud loquitur, sic et uos nisi talem habueritis innocenciam et animi puritatem, regna celorum non poteritis intrare.

Ieronymus super illud Matthei: Quicumque humiliauerit se sicut paruulus iste et cetera.

Varia
Fons primus
[Back to top]

Innocencia f

Innocens inter ipsa tormenta fruitur consciencie bono, et cum de pena metuat, de innocencia gloriatur.

Ieronymus ad Demetriadem.

Varia
Fons primus
[Back to top]

Innocencia g

Non mediocris titulus uirtutis, inter prauos uiuere bene, et inter malignantes innocencie retinere candorem et morum lenitatem.

Bernardus super Cantica.

Varia
Fons primus
[Back to top]

Innocencia h

Gaude de innocencia et exulta! Gaude, inquam, quia ubique illesa es, ubique secura. Si temptaris, proficis; si humiliaris, erigeris; si pugnas, uincis; si occideris, coronaris. Tu in seruitute, libera es; in periculo, tuta; in custodia, leta. Tibi omnis reatus adicitur, tibi uniuersa milicia subiugatur. Te potentes honorant, suscipiunt principes, magnates exquirunt, eciam illi non nunquam te desiderant qui inpugnant. Tibi boni parent, mali inuident, zelant emuli, inimici subcumbunt; nec unquam poteris uictrix non esse, eciam si tibi inter homines iudex iustus defuerit.

Crisostomus in omelia.

Varia
Fons primus
[Back to top]

Innocencia i

Puritas innocencie conseruata fons est et origo omnis sciencie et uirtutis.

Hugo.

Varia
Fons nondum repertus
[Back to top]

Innocencia k

Innocencia est puritas animi omnem iniurie illacionem abhorrens.

Tullius de officiis.

Varia
Fons primus
[Back to top]

Innocencia l

Triumphus innocencie est non peccare ubi liceat. In quem plus potes peccare, desine.

Seneca in prouerbiis.

Varia
Fons primus
[Back to top]

Innocencia m

In malis sperare bonum nisi innocens nemo solet.

Seneca in prouerbiis.

Varia
Fons primus
[Back to top]

Ubi

Consciencia m, Consciencia r
Conuersacio m
Honestas b
Solitudo af

Varia