Iuuentus a

Vicina est lapsibus adolescencia quia uariarum estus cupiditatum feruore calentis inflammatur etatis.

Ambrosius de uiduis libro I.

Varia
Fons primus
[Back to top]

Iuuentus b

Premittit etatis generalem iactanciam quo plus commendet humilitatis sue graciam. Non mirabilis humilitas in senectute que effeta uiribus, debilitata fracturis, tristis doloribus, hanela suspiriis, cocta curarum estibus, et ipsa uiuendi mesto fastidio alacritatem est oblita iactancie. Rara sane iuuenibus est humilitas ideoque miranda. Dum etas uiget, dum uires solide, dum sanguis estuat, dum sollicitudo nescitur, dum ignoratur debilitas, dum leticia frequentatur, tunc feruet iactancia, tunc se iuuentutis extollit affectus, tunc humilitas quasi uilescit, abiecta contempnitur, tunc subiectio degeneris consciencie estimatur infirmitas.

Ambrosius super Beati immaculati.

Varia
Fons primus
[Back to top]

Iuuentus c

Multos uidemus iuniorum super senes intelligere, moribus dies antiquare, tempora preuenire meritis, et quod deest etati uirtutibus compensare quia iuxta apostolum, nemo contempnat adolescenciam bone indolis. Senectus uenerabilis non est numero annorum, sed magis merito morum computata.

Bernardus in epistola ad Theobaldum comitem.

Varia
Fons primus
[Back to top]

Iuuentus d

Sicut in senibus sobrietas et morum perfectio requiritur, ita et adolescentibus obsequium et subiectio et obediencia rite debetur.

Cyprianus de duodecim abusiuis.

Varia
Fons primus
[Back to top]

Iuuentus e

Sicut fructus non inuenitur in arbore in qua flos prius non apparuit, sic in senectute honorem legitimum consequi non poterit qui in adolescencia discipline alicuius exercitatione non laborauerit. Disciplina igitur absque obediencia qualiter fieri poterit? Adolescens ergo sine obediencia, adolescens sine disciplina est.

Cyprianus ibidem.

Varia
Fons primus
[Back to top]

Iuuentus f

Indigne transacta adolescencia odiosam efficit senectutem, et honeste acta superior etas fructus capit auctoritatis. Quid enim senectus subripere ualet in quo iuuentus reprehensibilis non fuit?

Cassiodorus in epistola quadam.

Varia
Fontes primi
[Back to top]

Iuuentus g

Diuicie senum non sunt canicies capitis sed industrie iuuentutis, nec plurium annorum circulis sed laborum preteritorum stipendiis metiende.

Cassiodorus ibidem.

Varia
Fons primus
cf. Senectus r
[Back to top]

Iuuentus h

Nulla erit processu temporis difficilis clemencia principi qui in annis puerilibus didicit seruire pietati.

Cassiodorus in epistola.

Varia
Fontes primi
[Back to top]

Iuuentus i

Magnum expecta gaudium cum puerilem animum deposueris et te in uirum philosophie transcripseris. Adhuc enim non puericia sed, quod est grauius, puerilitas remanet, et hoc quidem peius est quod auctoritatem habemus senum, uicia puerorum, nec puerorum tantum sed infancium.

Seneca XVI. epistola.

Varia
Fons primus
[Back to top]

Ubi

Caro c
Castitas p
Consilium n
Conuersio ad
Correctio au
Discere q, Discere r
Honestas d
Regimen s
Senectus d, Senectus h, Senectus r, Senectus s

Varia