Libertas a

Quem delectat uera libertas, ab amore rerum mutabilium liber esse appetat, et quem regnare delectat, uni omnium regnatori Deo subiectus sit, plus eum diligendo quam semetipsum.

Augustinus de uera religione.

Varia
Fons primus
[Back to top]

Libertas b

Quidam religionem nostram quam manifestissimis et paucissimis celebrationum sacramentis Dei misericordia uoluit esse liberam, seruilibus premunt oneribus.

Augustinus in libro ad inquisitiones Ianuarii.

Varia
Fontes proximus et primus
cf. Sacramentum a
[Back to top]

Libertas c

Prima libertas uoluntatis erat posse peccare; nouissima erit multo magis non posse peccare. Prima immortalitas erat posse non mori; nouissima erit multo maior non posse mori. Prima erat perseuerancie potestas bonum posse non deserere; nouissima erit perseuerancie felicitas bonum non posse deserere.

Augustinus de correctione et gracia.

Varia
Fons primus
[Back to top]

Libertas d

Ille uero in quauis conditione seruicii liber qui amore non capitur, auaricie uinculis non tenetur, metu criminis non alligatur; qui securus expectat presencia, quem non terrent futura.

Ambrosius de Ioseph.

Varia
Fons primus
[Back to top]

Libertas e

Cum nobis triplex posita sit libertas, a peccato, a miseria, a necessitate, hanc ultimo loco positam contulit nobis in conditione natura, in primam restauramur a gracia, media reseruatur nobis in patria. Dicatur prima libertas nature, secunda gracie, tercia glorie; prima habet multum honoris, secunda plurimum uirtutis, nouissima cumulum iocunditatis.

Bernardus de libero arbitrio.

Varia
Fons primus
[Back to top]

Libertas f

Liber is est existimandus qui nulli turpitudini seruit.

Tullius II. rethorice.

Varia
Fons primus
[Back to top]

Libertas g

Quid est libertas? Potestas uiuendi ut uelis. Quis igitur uiuit ut uult nisi qui recta sequitur? Soli hoc contingit sapienti ut nichil faciat inuitus, nichil dolens, nichil coactus. Quis neget omnes leues, omnes cupidos, omnes denique improbos esse seruos? An ille michi liber cui mulier imperat, cui leges imponit, prescribit, iubet, uetat quod uidetur? Qui nichil imperanti negare potest, nichil recusare audet? Poscit dandum est, uocat ueniendum, eicit abeundum, minatur extimescendum. Ego uero istum non modo seruum, sed nequissimum seruum, eciam si in amplissima familia natus sit, appellandum puto.

Seneca libro X. rethorice sue.

Varia
Fons primus
Fons primus et editiones 1493/5 & 1550
[Back to top]

Libertas h

Quid eques aut libertinus aut seruus? Nomina ex ambitione aut iniuria nata. Subsilire in celum ex angulo licet.

Seneca XXXI. epistola.

Varia
Fons primus
[Back to top]

Libertas i

Quid sit libertas, queris? Nulli rei seruire, nulli necessitati, nullis casibus, fortunam in equum deducere.

Seneca XLVII. epistola.

Varia
Fons primus
[Back to top]

Libertas k

Liber non est quem superbus inflammat animus.

Seneca in prouerbiis.

Varia
Fons primus
[Back to top]

Ubi

NOBILITAS
Sacramentum a
SERUITAS
VIOLENCIA

Varia