Periculum a

Nimium preceps est qui transire contendit ubi conspexerit alium cecidisse, et uehementer infrenis est cui non incutitur timor alio pereunte. Amator autem est salutis sue qui et uitat aliene mortis incursum, et ipse est prouidus qui sollicitus fit cladibus ceterorum.

Augustinus libro de singularitate clericorum.

Varia
Fons primus
cf. Presumptio c
[Back to top]

Periculum b

Non quisquam sibi proponat et dicat: habere uolo quod uincam; hoc est dicere: uiuere desidero sub ruina.

Augustinus ibidem.

Varia
Fons primus
[Back to top]

Periculum c

Periclitatur castitas in deliciis, humilitas in diuiciis, pietas in negociis, ueritas in multiloquio, caritas in hoc mundo.

Bernardus in quodam sermone.

Varia
Fons primus
[Back to top]

Periculum d

Bona turpitudo est que periculum uindicat; cicius inuenitur periculum cum contempnitur; numquam periculum sine periculo uincitur.

Seneca in prouerbiis.

Varia
Fons primus
[Back to top]

Ubi

Confidencia a
Misericordia b
Mors bz
Mundus t
Prelacio by

Varia