Perseuerancia a

In cassum bonum agitur, si ante uite terminum deseratur, quia frustra uelociter currit qui priusquam ad metas uenerit, deficit.

Gregorius libro I. moralium.

Varia
Fons primus
[Back to top]

Perseuerancia b

Perseuerancia est unica filia summi regis, finis uirtutum earumque consummatio, tociusque boni repositorium, et uirtus sine qua nemo uidebit Deum.

Bernardus in quadam epistola.

Varia
Fons primus
[Back to top]

Perseuerancia c

Absque perseuerancia nec qui pugnat uictoriam, nec palmam uictor consequitur. Nutrix est ad meritum, mediatrix ad premium, soror paciencie, constancie filia, amica pacis, amiciciarum nodus, unanimitatis uinculum, sanctitatis propugnaculum. Tolle perseueranciam nec obsequium mercedem habet, nec beneficium graciam, nec laudem fortitudo. Sola est cui eternitas redditur, uel pocius que eternitati hominem reddit, dicente Domino: Qui perseuerauerit usque in finem et cetera.

Bernardus epistola CXXIX.

Varia
Fontes primi
Fons primus 1550 edition
[Back to top]

Perseuerancia d

Bonam uitam ego puto mala pati et bona facere et sic perseuerare usque ad mortem.

Bernardus in quodam sermone.

Varia
Fons primus
[Back to top]

Perseuerancia e

Perseuerandum est et assiduo studio robur addendum, donec bona mens sit quod bona uoluntas est.

Seneca epistola XIIII.

Varia
Fons primus
[Back to top]

Perseuerancia f

Turpe est cedere oneri, luctare cum officio quod semel recepisti. Non est uir fortis ac strenuus qui laborem fugit, nisi crescat illi animus ipsa rerum difficultate.

Seneca epistola LI.

Varia
Fons primus
[Back to top]

Perseuerancia g

Nichil est quod non expugnet pertinax opera et intenta ac diligens cura.

Seneca ibidem.

Varia
Fons primus
[Back to top]

Perseuerancia h

In excelso est beata uita sed perseueranti penetrabilis.

Seneca epistola LXVI.

Varia
Fons primus
[Back to top]

Ubi

(abest)