Profectus a

Tormenta animi non sentit in ecclesia qui non proficit. Putat enim quia pax est, sed incipiat proficere et tunc uidet in qua pressura est quia cum creuisset herba et fructum fecisset, tunc apparuerunt et zizannia.

Augustinus super Psalmum XXIX.

Varia
Fons primus
[Back to top]

Profectus b

Quantumcumque hic profecerimus, nemo dicat: Sufficit michi; iustus sum. Qui dixit, remansit in uia, non nouit peruenire. Vbi dixit: Sufficit michi; ibi hesit.

Augustinus super illud Psalmi LXIX.: Ego uero egenus et pauper sum.

Varia
Fons primus
[Back to top]

Profectus c

Cum ceperit homo Christianus cogitare proficere, incipit pati linguas aduersancium. Quicumque illas nondum passus est, nondum proficit; quicumque illas non patitur, nec conatur proficere.

Augustinus super Psalmum CXIX.

Varia
Fons primus
[Back to top]

Profectus d

Non tu in accipiendo proficis et Deus in dando deficit. Quantumlibet capaces fauces, capacem uentrem afferas; fons uincit sicientem.

Augustinus de uerbis apostoli capitulo XVI.

Varia
Fons primus
[Back to top]

Profectus e

Nemo quantum proficit nisi inter aduersa cognoscit.

Gregorius libro XXIII. moralium.

Varia
Fons primus
[Back to top]

Profectus f

Sequens etas cum aliqua opinabili nouitate succedat. Nam si gloriosum est posteris auitas extendere facultates, quanto prestancius hereditarias augere uirtutes!

Cassiodorus libro II. epistolarum epistola XXII.

Varia
Fontes primi
[Back to top]

Profectus g

Veneror inuenta a sapiente. Michi ista acquisita sunt, michi laborata; sed agamus bonum patrem familie, faciamus ampliora que accepimus. Maior ista hereditas a me ad posteros transeat. Multum adhuc restat operis, multumque restabit, nec ulli nato post mille secula precludetur occasio, aliquid adhuc adiciendi.

Seneca LXV. epistola.

Varia
Fons primus
[Back to top]

Ubi

Exemplum h
Honor o
Ociositas b
Studium g
Tribulatio x

Varia