Victoria a

Non est gloriosa uictoria nisi ubi fuerint laboriosa certamina.

Ambrosius de officiis.

Victoria b

Vere tuta pro Christo et cum Christo pugna in qua nec uulneratus, nec prostratus, nec conculcatus fraudabilis a uictoria, tantum ne fugias. Sola causa qua perdere possis uictoriam fuga est. Fugiendo potes illam amittere, moriendo non potes; et beatus si pugnando moriaris quia mox coronaberis.

Bernardus in epistola.

Victoria c

Victoria sine aduersario breuis est laus. Bis uincit qui se uincit in uictoria; bis interimitur qui suis armis perit.

Seneca in prouerbiis.

Ubi