Lacrima a

Lacrimas Petri lego, satisfactionem non lego; sed quod defendi non potest, ablui potest. Lauent lacrime delictum quod uoce pudor est confiteri. Lacrime ueniam non postulant et merentur.

Ambrosius super Lucam libro IX.

Varia
Fons primus
[Back to top]

Lacrima b

Fleuit amare ut lacrime lauarent delictum; tu similiter lacrimis dilue culpam. Non inuenio quid dixerit sed quod fleuit.

Ambrosius ibidem.

Varia
Fons primus
[Back to top]

Lacrima c

Pascunt frequenter lacrime et mentem alleuant fletus, refrigerant pectus et mestum solantur. Est enim piis affectibus quedam flendi uoluntas et plerumque grauis lacrimis euaporat dolor.

Ambrosius de obitu Valentiniani.

Varia
Fons primus
[Back to top]

Lacrima d

O lacrima humilis! Tua est potencia, tuum regnum. Tribunal iudicis non uereris, amicorum tuorum accusatoribus silencium imponis. Non est qui te accedere uetet. Si sola intras, uacua non redibis, magis crucias dyabolum quam pena infernalis. Quid plura? Vincis inuincibilem, ligas omnipotentem, inclinas filium uirginis.

Ieronymus in epistola.

Varia
Fons primus
[Back to top]

Lacrima e

Docente te in ecclesia non clamor populi sed gemitus suscitetur. Lacrime auditorum laudes tue sint. Petrum ter negantem amare in locum suum restitutere lacrime.

Ieronymus ibidem.

Varia
Fons primus
[Back to top]

Lacrima f

Oratio Deum lenit, sed lacrima cogit; hec ungit, illa pungit.

Ieronymus super Ysaia.

Varia
Fons primus
cf. Oratio q
[Back to top]

Lacrima g

Holocaustum siccum est bonum opus quod orationis lacrime non infundunt. Holocaustum pingue est quando hoc quod bene agitur corde humili eciam per lacrimas irrigatur.

Gregorius super illud: Holocaustum tuum pingue fiat, omelia VIII. super Ezechielem.

Varia
Fons primus
[Back to top]

Lacrima h

Irriguum superius accipit anima cum se lacrimis regni celestis desiderio affligit; irriguum uero inferius accipit cum inferni supplicia flendo pertimescit.

Gregorius in registro tractans illud: Axa filia Calech et cetera.

Varia
Fons primus
[Back to top]

Lacrima i

Vniuscuiusque mens tantum penitendo compunctionis sue bibat lacrimas, quantum se a Deo meminit aruisse per culpas.

Gregorius in pastorali.

Varia
Fons primus
[Back to top]

Lacrima k

Sepe quod torpentes latuit, flentibus innotescit. Et afflicta mens certius inuenit malum quod fecerat et reatum suum cuius secura non meminit, hunc in se commota deprehendit.

Gregorius libro VIII. moralium.

Varia
Fons primus
cf. Contricio b
[Back to top]

Lacrima l

Lacrime penitencium uinum sunt angelorum quia in illis odor uite, sapor gracie, gustus indulgencie, sanitas redeuntis innocencie, reconciliationis iocunditas, et serenate consciencie suauitas.

Bernardus super Cantica.

Varia
Fons primus
[Back to top]

Lacrima m

Illas enim lacrimas uere in uinum mutari dixerim que fraterne compassionis affectu in feruorem prodeunt caritatis pro qua eciam ad horam tui ipsius immemor sobria quadam ebrietate uideris.

Bernardus ibidem.

Varia
Fons primus
[Back to top]

Lacrima n

Ecce pro omnibus que ab inicio conuersionis mee michi retribuit, compunctionem uidelicet lacrimarum, deuotionem meditationum, consolationem in laboribus, directionem in meditationibus. Pro hiis, inquam, et innumeris aliis beneficiis, quid ei rursus retribuam? Qui totum dedit, quid ulterius impendere habeo?

Bernardus in sermone.

Varia
Fons nondum repertus
[Back to top]

Lacrima o

Felices lacrime quas benigna manus conditoris absterget, et beati oculi qui in talibus liquefieri elegerunt, quam eleuari in superbiam, quam omne sublime uidere, quam auaricie et petulancie famulari.

Bernardus de contemptu mundi.

Varia
Fons primus
[Back to top]

Lacrima p

Nemo ad Deum aliquando flens accessit qui non quod postulauit accepit. Nullus ab eo beneficia dolenter optauit qui non impetrauit. Ipse enim est qui consolatur flentes, dolentes curat, penitentes informat.

Crisostomus in sermone.

Varia
Fons primus
[Back to top]

Lacrima q

Sicut post uehementes ymbres mundus aer ac purus efficitur, ita eciam post lacrimarum pluuias serenitas mentis sequitur atque tranquillitas.

Crisostomus super Mattheum.

Varia
Fons primus
[Back to top]

Lacrima r

Fletus cibus est animarum, corroboratio sensuum, absolutio peccatorum, refectio mentium, lauacrum culparum.

Cassiodorus super Psalmum: Fuerunt michi lacrime mee panis et cetera.

Varia
Fons primus
[Back to top]

Lacrima s

Luctus est cum quis exacerbato animo quod minus potest ultionis in superiorem in seipso studet fletibus satisfacere.

Victorinus.

Varia
Fons primus
[Back to top]

Lacrima t

Multis enim solatio sunt lacrime et ex parte maxima magnitudinem doloris imminuunt. Dolor siquidem speciem ignis gerit quia dum plus tegitur, plus ignescit.

Petrus Blesensis.

Varia
Fons primus
[Back to top]

Ubi

Coniugium ae
Dolor e
Gaudium h
Iusticia q
Penitencia r, Penitencia ae

Varia