Accidia a

Torpor et ignauia dicunt: si lectioni continuato studio semper insistis, oculorum caliginem incurris; si indesinenter lacrimas fundis, ipsos eciam oculos amittis; si procellatis uigiliis psalmorum censum persoluis, insaniam capitis acquiris; si cotidiano labore te conficis, ad opus spirituale quando consurgis?

Augustinus in libro de conflictu uiciorum et uirtutum.

Varia
Fons primus
[Back to top]

_______________________________________________

Accidia est de uirtutum laudabili exercicio utriusque hominis languida deiectio.

Gregorius in omelia.

Varia
Fons primus
[Back to top]

Accidia b

Accidia est animi quidam langor cum legere non libet, orare non delectat, meditaciones sollicite non sentiuntur.

Bernardus in epistolis.

Varia
Fons primus
[Back to top]

Accidia c

Cum te accidia uel tedio affici sentis, noli propterea diffidere atque desistere a studio spirituali, sed iuuantis require manum trahi post te eum obsecrans.

Bernardus ibidem.

Varia
Fons primus
[Back to top]

Accidia d

Accidia est quidam animi torpor quo quis negligit aliqua bona inchoare aut fastidit perficere.

Bernardus in sermone.

Varia
Fons primus
[Back to top]

Accidia e

O homo impudens et imprudens! Milia milium ministrant ei et decies centena assistunt ei et tu sedere presumis?

Bernardus ibidem.

Varia
Fons primus
[Back to top]

Accidia f

Vult et non uult piger; recte pigri uocabulo denotatur qui uult regnare cum Deo, et non laborare pro Deo. Delectant premia cum pollicentur; deterrent certamina cum iubentur.

Beda super Prouerbia libro II.

Varia
Fons primus
[Back to top]

Accidia g

Non dormientibus prouenit regnum celorum, nec ocio et desidia torpentibus beatitudo eternitatis repromittitur.

Leo papa in sermone de apparicione.

Varia
Fons primus
cf. Ociositas p
[Back to top]

Accidia h

Accidia circa horam sextam maxime monachum inquietat ut quedam febris ingruens tempore prestituto ardentissimos estus accensionum suarum solitis ac statutis horis anime inferens egrotanti.

Iohannes Cassianus libro X. de institutis monachorum.

Varia
Fontes proximus et primus
[Back to top]

Accidia i

Experimento probatum est accidie impugnacionem non declinando fugiendam sed resistendo superandam.

Idem in eodem libro.

Varia
Fons primus
[Back to top]

Accidia k

Accidia est solitariis magis experta et in heremo commorantibus infestior hostis ac frequens.

Idem in eodem libro.

Varia
Fons primus
[Back to top]

Accidia l

(abest in manuscriptis B & C)

Accidia m

Pigricia est animi inhercia uel fatigacio qua quis bonum inchoatum consummare fastidit.

Tullius de Tusculanis questionibus.

Varia
Fons primus
[Back to top]

Accidia n

Luxurioso frugalitas pena est; pigro supplicii loco labor est; desidioso studere torqueri est.

Seneca epistola LXXII.

Varia
Fons primus
[Back to top]

Accidia o

Non putant desidiosi posse fieri quicquam quod facere non possunt; ex infirmitate sua de uirtute ferunt sentenciam. Nam hec ad que imbecilli sumus dura atque intolleranda credimus, tormenta reputantes, uino carere aut prima luce excitari. Non ista difficilia sunt sed nos fluidi et enerues sumus.

Seneca LXXII. epistola.

Varia
Fons primus
[Back to top]

Accidia p

Male michi esse malo quam molliter. Si mollis es, paulatim effeminatur animus atque in similitudinem ocii sui et pigricie in quam iacet soluitur. Dormio minimum et breuissimo sompno utor; satis est michi uigilare desiisse. Aliquando me dormisse scio, aliquando suspicor.

Seneca XXXIII. epistola.

Varia
Fons primus
[Back to top]

Accidia q

Nichil agere semper infelicis est optimum.

Seneca in prouerbiis.

Varia
Fons primus
[Back to top]

Ubi

Studium e

Varia