Auditor a

Tucius auditur ueritas quam predicatur, quoniam cum doctrina recipitur, humilitas custoditur. Cum autem disputacio uel predicacio placet, uix est ut disserentem non pulset quantalacumque iactancia.

Augustinus de doctrina Christiana et super Iohannem omelia LVII.

Varia
Fontes proximus et primus
[Back to top]

Auditor b

Vidit apostolus in audiendo facillime seruari humilitatem que difficilis est in docendo, quoniam necesse est ut doctor habeat superiorem locum, ubi laboriosum est optinere ne subrepat elacio.

Augustinus super illud Iacobi I.: Sit omnis homo uelox ad audiendum.

Varia
Fons primus
[Back to top]

Auditor c

Cum uerbum boni auditores esuriunt, pro reficiendis eis maiora doctoribus intelligencie dona tribuuntur. Sepe enim doctori uerbum Dominus pro gracia tribuit auditoris, non numquam uero propter auditoris culpam subtrahitur sermo doctori.

Gregorius in pastorali et in moralibus.

Varia
Fons primus
[Back to top]

Auditor d

Nisi spiritus sanctus auditorum corda repleat, ad aures corporum uox docencium incassum sonat. Formare enim uocem magistri exterius possunt, sed hanc interius imprimere non ualent.

Gregorius XXVII. moralium.

Varia
Fons primus
[Back to top]

Auditor e

Via Domini ad cor dirigitur cum ueritatis sermo humiliter auditur.

Gregorius in omelia.

Varia
Fons primus
[Back to top]

Auditor f

Multi legunt et ab ipsa lectione ieiuni sunt. Multi uocem predicacionis audiunt sed post uocem uacui recedunt, quorum etsi uenter comedit uiscera non replentur, quia etsi mente intellectum sacri uerbi percipiunt, obliuiscendo et non seruando que audierunt, hec in cordis uisceribus non reponunt.

Gregorius omelia X. super illud Ezechielis: Venter tuus comedet.

Varia
Fons primus
[Back to top]

Auditor g

Verba Dei que aure percipitis mente retinete. Cibus enim mentis est sermo Dei, et quasi acceptus cibus stomacho languente reicitur, quando auditus sermo in uentre memorie non tenetur. Sed quisquis alimenta non retinet, huius profecto uita desperatur. Eterne ergo mortis periculum formidate, si cibum quidem sancte exhortacionis accipitis sed uerba uite, id est alimenta iusticie, in memoria non tenetis.

Gregorius omelia XV. super euangelia super illud: Exiit qui seminat.

Varia
Fons primus
[Back to top]

Auditor h

Auris bona est que libenter audit utilia, prudenter discernit audita, obedienter operatur intellecta.

Bernardus in quadam epistola.

Varia
Fons nondum repertus
[Back to top]

Auditor i

Dele, inquit, litteras magis sculpturas quas dyabolus in tua impressit anima et fer michi cor a uite huius tumultibus liberum.

Crisostomus super Mattheum omelia XI.

Varia
Fons primus
[Back to top]

Auditor k

Frequenter ipsa eadem audire et scientibus prodest; quod enim nouimus si sepius audiamus, amplius compungimur?

Crisostomus sermone VII. super epistolam ad Hebreos.

Varia
Fons primus
[Back to top]

Auditor l

Prudens auditor omnes libenter audit, omnia legit, non scripturam, non personam, non doctrinam spernit; ab omnibus indifferenter quod sibi deest et quod deesse uidet, querit; non quantum sciat, sed quantum ignorat, considerat.

Hugo de sancto Victore in suo didascalicon.

Varia
Fons primus
cf. Studium n
[Back to top]

Auditor m

Quidam ueniunt ut audiant non ut discant, sicut in theatrum uoluptatis causa ad delectandas aures oracione uel uoce uel fabulis ducimur. Magnam hanc partem auditorum uidebis, cui philosophi scola diuersorium ocii sit. Non id agunt ut aliqua illo uicia deponant, ut aliquam legem uite accipiant qua mores suos erigant, sed ut oblectamento aurium perfruantur. Aliqui eciam cum pugillaribus ueniunt, non ut res accipiant, sed ut uerba que tam sine profectu alieno discant quam sine suo audiunt.

Seneca epistola CX.

Varia
Fons primus
[Back to top]

Ubi

Doctrina ba, Doctrina bf, Doctrina br
Gracia r
Maria e (1), Maria e (2)
VERBUM

Varia