Conuicium a

Si utilitate proximi moueor in laudibus meis, cur minus moueor si quisquam ab aliis iniuste uituperetur quam si ego? Cur ea contumelia magis mordeor que in me quam in alium eadem iniquitate coram me iacitur?

Augustinus X. libro confessionum.

Varia
Fons primus
[Back to top]

Conuicium b

Si non aurem solam percutit iracundia criminantis, uerum eciam conscienciam mordet ueritas criminis, quid michi prodest si me continuis laudibus mundus attollat? Ita nec malam conscienciam sanat laudantis preconium, nec uulnerat conuiciantis obprobrium.

Augustinus contra Petilianum libro III.

Varia
Fons primus
[Back to top]

Conuicium c

Leuis quidem sermo quia leuiter uolat sed grauiter uulnerat. Leuiter transit sed grauiter urit; leuiter animum penetrat sed non leuiter exit; leuiter profertur sed non leuiter reuocatur. Facile uolat, ideo facile caritatem uiolat. Tenerum membrum lingua, attamen uix teneri potest. Substancia quidem infirmum atque exiguum sed usu magnum et ualidum inuenitur. Tenuis est et lata, ideo aptissimum euacuandis sordibus instrumentum.

Bernardus in quodam sermone.

Varia
Fons primus
cf. Loquacitas p & Loquacitas q
[Back to top]

Conuicium d

Nichil seuius, nichil uiolencius amaris asperisque sermonibus quorum uulnera tanto difficilius curantur, quanto facilius proferuntur.

Valerius episcopus in quodam sermone.

Varia
Fons primus
[Back to top]

Conuicium e

Inuenimus multos aliquociens uno atque eodem sermone dulcibus uerbis uenena miscere, et fictis pacis blandiciis litium pugnas introire. Quid istis infelicius, quid periculosius esse potest qui fallacis lingue studio uite insidiantur aliene?

Ibidem.

Varia
Fons primus
[Back to top]

Conuicium f

Videmus frequenter uerborum facta in crimen uenire, et nimia facilitate uerborum amiciciis odia succedere. Quando autem potest fieri ut homo aut magniloqus aut maliloqus non habeatur ingratus?

Valerius episcopus ibidem.

Varia
Fontes proximus et primus
[Back to top]

Conuicium g

Quamuis quis uitam fide muniat, sciencia regat, castitate et sobrietate componat; nichil est quod in homine placeat, si in toto corpore lingua displiceat.

Valerius ibidem.

Varia
Fons primus
[Back to top]

Conuicium h

Plena uictoria est ad clamantem tacere et non respondere prouocanti. Habes enim mercedem et de tua paciencia et de fratris medela, si obliuioni detur iniuria. Sicut nichil est deformius respondere furiosis, ita nichil utilius tacere prouocatis. Nullus est finis inimiciis nisi ad tempus obtemperemus iratis.

Valerius episcopus in quodam sermone.

Varia
Fons primus
[Back to top]

Conuicium i

Malis displicere laudari est. Nullam auctoritatem habet sentencia ubi qui dampnatus est dampnat. Male de me loquntur homines qui bene nesciunt loqui. Faciunt non quod mereor sed quod solent.

Seneca LXXVII. epistola.

Varia
Fons primus
[Back to top]

______________________________

Equo animo audienda sunt imperitorum conuicia, et ad honesta uadenti contempnendus est ipse contemptus.

Seneca ibidem (LXXVII. epistola).

Varia
Fons primus
cf. Adulacio ax
[Back to top]

Conuicium k

Multi cum aliis maledicunt, sibi ipsi conuicium faciunt.

Seneca de moribus.

Varia
Fons primus
[Back to top]

Conuicium l

Turpia ne dixeris; paulatim enim pudor rerum per uerba dediscitur.

Seneca ibidem.

Varia
Fons primus
cf. Verecundia y
[Back to top]

Conuicium m

Non potest generosus animus contumeliam pati.

Seneca de sentenciis oratorum.

Varia
Fons primus
[Back to top]

Conuicium n

Antitanes cuidam dicenti sibi maledixit tibi ille. Respondit: non michi, inquit, sed illi qui in se quod ille culpat agnoscit. Sed etsi michi maledicere curet, non curo quia auditus lingua debet esse robustior cum singulis hominibus lingue sunt singule sed aures bine. Aliquatenus tamen curo quia eo ipso me fateor esse superiorem, quia superioris persone usus est hec pati, inferioris facere. Gauderem itaque nisi urgente humanitate homini compaterer infelici.

Seneca ibidem et Valerius Maximus libro VII.

Varia
Fons nondum repertus
[Back to top]

Conuicium o

Titus Tacius, maledicente sibi Metello, facile est, inquit, in me dicere cum non sim responsurus. Tu, inquit, didicisti maledicere; et ego, consciencia teste, didici maledicta contempnere. Et sicut tu, inquit, lingue tue, sic ego aurium mearum sum dominus.

Ibidem.

Varia
Fons primus
cf. Iniuria ad & Paciencia bc & Paciencia bd
[Back to top]

______________________________

Lapis solutus calore in es uertitur, quando dura mens superni amoris igne liquefacta ad ueram fortitudinem commutatur ut peccator qui prius insensibilis extiterat, postmodum et per auctoritatem fortis et per predicacionem sonorus fiat.

Gregorius ibidem.

Varia
Fons primus
[Back to top]

Conuicium p

Ipse aperte inuidet, abiecte fingit, seruiliter superbit; indicit ut dominus, exigit ut tyrannus, calumpniatur ut barbarus; tota die a metu armatus, ab auaricia ieiunus, a cupiditate terribilis, a uanitate crudelis; in consilio tacet, in ecclesia iocatur, in ieiunio predicat, in cubiculo dampnat, in questione dormitat. Implet cotidie siluas latronibus, uillas hostibus, altaria reis, carceres clericis.

Sydonius libro II. epistola prima.

Varia
Fons primus
[Back to top]

Conuicium q

Ipse loquax nec dicax, ridiculus nec letus, arrogans nec constans, curiosus nec perspicax; tempora presencia colens, preterita carpens, futura fastidiens; beneficii, si rogaturus est, importunus petendi, derogator negati, emulator accepti; ac si rogandus, dissimulator petiti, uenditor prestiti, calumpniator morati, inficiator soluti, odiosor ieiuniorum, sectator epularum; laudabilem proferens non de bene uiuente, sed de bene pascente sentenciam.

Sydonius ibidem libro III. epistola XIII.

Varia
Fons primus
[Back to top]

Conuicium r

Inter hec ieiunat quociens non uocatur; si inuitetur, excusans; si euitetur, explorans; si excludatur, exprobrans; si admittatur, exultans; si uerberetur, expectans. Auidus bibendi, auidior adulandi, auidissimus detrahendi, rabido ore pariter spirans cenum, spumans uinum, loquens uenenum, facit ambigi an temulencior an facinorosior existimetur.

Sydonius libro III. epistola XIII.

Varia
Fons primus
[Back to top]

Conuicium s

Prodigus in pena, parcus misericordia, furore repletus, pietate deficiens, uerbo falsus, opere inperfectus, uiciis deditus, Domino indeuotus, crudelitate Herodes secundus.

Ibidem.

Varia
Fons primus
[Back to top]

Ubi

Aduocati n, Aduocati o, Aduocati p
Consciencia a, Consciencia b
Detractio i, Detractio n, Detractio ai
Fama o, Fama p
Hospitalitas h
Humilitas e
Iniuria a, Iniuria c, Iniuria i
Ira ag
Iusticia p
Laus i, Laus ar
Medicina g
Mirabile q
Paciencia t, Paciencia ap, Paciencia bc, Paciencia be
Prelacio n
Venia q
Verecundia y, Verecundia z

Varia