Fauor a

Qui pro uirtute quam egit humanos fauores desiderat, rem magni meriti uili precio uenalem portat.

Gregorius libro VIII. moralium.

Varia
Fons primus
[Back to top]

Fauor b

Valde perfectorum est sic ostenso opere, auctoris gloriam querere ut de illata laude, priuata nesciant exultatione gaudere.

Gregorius ibidem.

Varia
Fons primus
cf. Laus ac
[Back to top]

Fauor c

Non possumus simul pro uno et eodem opere fauorem mundi expetere, et premium celestis uite acquirere.

Maximus episcopus in quodam sermone.

Varia
Fons primus
[Back to top]

Fauor d

Vehementer amor multitudinis commouetur ipsa fama et opinione liberalitatis, beneficiencie, fidei, iusticie omniumque earum uirtutum que pertinent ad mansuetudinem morum ac facilitatem. Etenim id ipsum quod honestum decorumque dicimus animos omnium natura et specie sua commouet.

Tullius libro II. de officiis.

Varia
Fons primus
[Back to top]

Fauor e

Nunquam uolui placere populo. Nam que ego scio, non probat populus; quod probat populus, ego nescio. Quis enim placere potest cui non placet uirtus? Malis artibus popularis fauor loquitur. Similem te illis facias oportet; alioquin non probabunt nisi agnouerint.

Seneca XXIX. epistola.

Varia
Fontes proximus et primus
[Back to top]

Fauor f

Multo autem magis ad rem pertinet qualis tibi uidearis quam qualis aliis. Si te intrante clamor et plausus obstrepuerint, si femine puerique laudauerint, quid ni ego tui miserear cum sciam que uia ad istum fauorem ducit?

Seneca ibidem.

Varia
Fons primus
cf. Ipocrisis bf
[Back to top]

Fauor g

Nunquam multis placeas sed qualibus stude. Maximum in eo uicium est qui non uult melioribus placere sed pluribus.

Seneca in epistola.

Varia
Fontes primi
[Back to top]

Ubi

ADULACIO
Conuicium i (1), Conuicium i (2)
Eloquencia q
Exactio c
Fraus c, Fraus d
Hospitalitas h
Ipocrisis ad
Laus l, Laus m, Laus n, Laus p, Laus q
Predicacio i, Predicacio l
Veritas i

Varia