Labor
Labor a
Diuersis seminibus pectoris tui colles sere, nunc alimoniis mediocribus, nunc ieiuniis parcioribus, lectione, opere, prece ut mutatio laboris inducie sint quietis.
Augustinus de uirginitate.
Fons primus
[Back to top]
Labor b
Cicius auditur una oratio obedientis quam decem milia contemptoris. Talis fuit oratio pharisei.
Augustinus de opere monachorum.
Fons primus
[Back to top]
Labor c
Non deserentes in labore persistere quia subleuatio laboris est uisio collaborantis.
Gregorius libro V. moralium.
Fons primus
[Back to top]
Labor d
Sancti uiri quot labores misericordie ueritati commendantes exhibent, tot iam remunerationis sue pignora intra spei sue cubiculum clausa tenent.
Gregorius in moralibus.
Fons primus
[Back to top]
Labor e
Quibusdam prauis mentibus nichil est laboriosius quam si eis precipiatur ut in huius mundi actibus non laborent.
Gregorius super Ezechielem.
Fons primus
[Back to top]
Labor f
Nullus labor durus, nullum tempus longum uideri debet quo gloria eternitatis acquiritur.
Ieronymus in epistola.
Fons primus
cf. Gloria eterna y
[Back to top]
Labor g
Quantis sudoribus hereditas cassa expetitur et minore labore promissa margarita Christi emi poterat.
Ieronymus ad Nepocianum.
Fons primus
[Back to top]
Labor h
Qui in labore hominum non sunt, in labore profecto demonum erunt.
Bernardus super Cantica.
Fons primus
[Back to top]
Labor i
Causam laboris cogitet in labore ut ipsa ei pena quam patitur, culpam pro qua patitur representet.
Bernardus in sermone.
Fons primus
[Back to top]
Labor k
Libentius suscipitur labor pro desiderio uoluptatis quam pro amore uirtutis.
Leo papa de ieiunio septimi mensis.
Fons primus
[Back to top]
Labor l
Generosos animos labor nutrit. Laborem, si recuses, parum esse posce. Non est uiri timere sudorem.
Seneca XXXVII. epistola.
Fons primus
[Back to top]
Labor m
Multum abhorret opus cuius inchoatio inuidia; continuatio est labor, finis est odium.
Seneca in epistola.
Fons primus
[Back to top]
Labor n
Si qua per laborem recte feceritis, labor cito recedet; bene factum dum uiuitis, non abscedit. Si qua per uoluptatem prauam nequiter feceritis, uoluptas cito abibit, nequiter factum apud uos semper manebit.
Seneca ibidem.
Fons primus
[Back to top]
Ubi
Accidia f, Accidia gConsolacio e
Honor e
Perseuerancia f
Religio k
Sapiencia ak
Sollicitudo a
Varia
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants partly funded by WLU operating funds and partly by SSHRC General Research Grants awarded to WLU.
