Magnanimitas a

Viros fortes magnanimos esse eosdem uolumus, ueritatis amicos, minimeque fallaces.

Tullius I. de officiis.

Varia
Fontes proximus et primi
[Back to top]

Magnanimitas b

Ad magnanimum pertinet neque perturbationi animi, neque omini, neque fortune subcumbere.

Tullius ibidem.

Varia
Fontes proximus et primi
[Back to top]

Magnanimitas c

Ad magnum animum pertinet ea que uidentur acerba ita ferre ut nichil a statu nature discedat, nichil a dignitate sapientis.

Tullius ibidem.

Varia
Fontes proximus et primi
[Back to top]

Magnanimitas d

Magnanimitas est uirtus spontanea difficilium aggressio et racionalis.

Ibidem.

Varia
Fons primus
[Back to top]

Magnanimitas e

Si magnanimus fueris, nunquam iudicabis tibi contumeliam fieri. De inimico dices: Non nocuit michi sed animum nocendi habuit. Et cum illum in potestate tua uideris, uindictam putabis non uindicare potuisse. Scito enim magnum et honestum uindicte esse genus ignoscere.

Seneca de quattuor uirtutibus.

Varia
Fons primus
[Back to top]

Magnanimitas f

Magnanimitas autem, si ultra modum suum extollat, faciet uirum minacem, inflatum, turbidum, inquietum; et in quascumque excellencias dictorum atque factorum neglecta honestate festinum qui momentis omnibus supercilia subrigens ut bestiarius eciam quietat, excitat; alium ferit, alium fugat. Sed talis aut miserum appetit finem, aut erumpnosam sui memoriam derelinquit. Mensura ergo magnanimitatis est nec timidum esse hominem nec audacem.

Seneca ibidem.

Varia
Fons primus
[Back to top]

Magnanimitas g

Eris magnanimus si pericula nec appetas ut temerarius, nec formides ut timidus. Nam timidum non facit animum nisi reprehensibilis uite consciencia.

Ibidem.

Varia
Fontes proximus et primus
[Back to top]

Magnanimitas h

Magnitudo animi, si a communitate humana sit remota, feritas quedam erit et immanitas.

Seneca ibidem.

Varia
Fontes proximus et primus
[Back to top]

Magnanimitas i

Pauper fiam; inter plures ero. Exul fiam; ibi me natum putabo quo mittar. Non sum uni angulo natus; patria mea totus hic mundus est.

Seneca in epistola.

Varia
Fons primus
[Back to top]

Magnanimitas k

Magno animo nichil est magnum. Stilbon philosophus capta patria amissio rerum et cetera. Ecce uir fortis et strenuus ipsam sui hostis uictoriam uicit. Facilius est totam gentem quam magnanimum uincere.

Seneca XXIII. epistola.

Varia
Fons primus
cf. Amissio r
[Back to top]

Magnanimitas l

Magni animi est magna contempnere et mediocria malle quam nimia.

Seneca XXXVII. epistola.

Varia
Fons primus
[Back to top]

Magnanimitas m

Animum excellentem, moderatum, omnia tanquam maiora transeuntem, quicquid timemus optamusque ridentem, celestis potencia agitat. Non potest res tanta sine amminiculo numinis stare. Quemadmodum radii solis contingunt quidem terram sed ibi sunt unde mittuntur, sic animus magnus ac sacer conuersatur quidem nobiscum sed heret origini sue.

Seneca XL. epistola.

Varia
Fons primus
[Back to top]

Magnanimitas n

Animus intuens uera, peritus fugiendorum ac petendorum, non ex opinione sed ex natura precia rebus inponens, asperis blandisque pariter inuictus, neutri se fortune submittens, supra omnia que contingunt acciduntque eminens, imperturbatus, intrepidus, quem nulla uis frangat, quem nec attollant fortuita nec deprimant: talis animus uirtus est; hec eius est facies.

LXVI. epistola.

Varia
Fons primus
[Back to top]

Magnanimitas o

Magno animo de rebus magnis iudicandum est. Fortunatior est qui omnia rerum diuersarum onera rigida ceruice sustollit, eo qui supra fortunam extat. Non mirum est in tranquillitate non concuti; illud mirare, ibi extolli aliquem ubi omnes deprimuntur, ibi stare ubi omnes iacent.

Ibidem.

Varia
Fons primus
[Back to top]

Magnanimitas p

Magnanimus stat rectus sub quolibet pondere. Nulla illum res minorem facit; nil illi eorum que ferenda sunt displicet. Quicquid cadere in hominem potest, in se cecidisse non queritur. Vires suas nouit; uincit uirtute fortunam.

Seneca LXXII. epistola.

Varia
Fons primus
[Back to top]

Magnanimitas q

Nichil magnum est in rebus humanis nisi magno animo despicias.

Seneca libro de moribus.

Varia
Fons primus
[Back to top]

Magnanimitas r

Proprium enim est magnitudinis uere non sentire se percussam. Immanis enim fera et magna ad latratum canum lenta respicit.

Seneca.

Varia
Fons primus
[Back to top]

Ubi

Contemptus o
Diuicie bp
Fortitudo c, Fortitudo e, Fortitudo y
Labor l
Nobilitas q
PUSILLANIMITAS
Virtus af, Virtus ai

Varia