Meritum a

Quisquis tibi enumerat uera merita sua, quid tibi enumerat nisi munera tua?

Augustinus libro confessionum.

Varia
Fons primus
[Back to top]

Meritum b

Deus auctor est meriti qui et uoluntatem applicat operi et opus explicat uoluntati.

Augustinus de libero arbitrio.

Varia
Fons primus
[Back to top]

Meritum c

Simplices et indocti regnum celorum rapiunt, et nos cum litteris nostris ad infernum descendimus.

Augustinus Mattheum XI.

Varia
Fons primus
[Back to top]

Meritum d

Magna sunt actiue uite merita sed contemplatiue potiora.

Gregorius in moralibus.

Varia
Fons primus
[Back to top]

Meritum e

Non est magni meriti, si quid foris erga nos agatur in corpore, sed magno pensandum est quid agatur in mente. Nam presentem mundum despicere, transitoria non amare, mentem medullitus in humilitate Deo et proximis sternere, contra illatas contumelias pacienciam seruare, et custodita paciencia dolorem malicie a corde repellere, egenis propria tribuere, aliena minime ambire, amicum in Deo diligere, propter Deum et eos qui sunt inimici amare, de afflictione proximi lugere, de morte inimici non exultare, hic est noua creatura.

Gregorius omelia X.

Varia
Fons primus
[Back to top]

Meritum f

Hoc totum hominis meritum, si totam spem suam ponat in eo qui totum saluum facit. Sufficit ad meritum scire quod non sufficiant merita.

Bernardus sermone LIII.

Varia
Fontes primi
[Back to top]

Meritum g

Preposterus ordo est ante meritum exigere premium et ante laborem sumere cibum.

Bernardus super Cantica.

Varia
Fons primus
[Back to top]

Meritum h

Domine, multi uolunt tecum corregnare sed non compati. Volunt inuenire et non querere, uolunt consequi et non sequi.

Bernardus in sermone.

Varia
Fons primus
[Back to top]

Meritum i

Et si millies moriamur, et si omnes uirtutes anime expleamus, nichil dignum gerimus ad ea que ipsi a Deo percepimus.

Crisostomus de conpunctione cordis.

Varia
Fons primus
[Back to top]

Meritum k

Vidimus aliquociens nonnullos cepisse postremos et factos esse merito priores.

Crisostomus de reparatione lapsi.

Varia
Fons primus
[Back to top]

Meritum l

Quicquid gesseris, parum est; quicquid feceris, minus est. Omne enim meritum breue est comparatione donorum. Numera beneficia, si potes, et tunc considera quid mereris.

Crisostomus omelia de septuagesima.

Varia
Fons primus
[Back to top]

Meritum m

Si totum tempus uite huius occupent obsequia, laudes teneant, graciarum actiones insistant, non poteris pensare quod debes.

Idem ibidem.

Varia
Fons primus
[Back to top]

Meritum n

Sit licet excellens hominum meritum, sit nature iura conseruans, sit legum iussis obtemperans; fidem impleat, iusticiam teneat, uirtutes exerceat, dampnet uicia, peccata repellat, exemplum semet, imitantibus prebeat, nichil est respectu eius quod debet.

Cristostomus ibidem.

Varia
Fons primus
[Back to top]

Meritum o

Cum diuinis muneribus actus proprios meditare, nec dignum te iudicabis eo quod fueris, si intelligas quod mereris.

Ibidem.

Varia
Fons primus
[Back to top]

Meritum p

Grandis uiolencia est in terra nasci et celum rapere et habere per uirtutem quod non possumus habere per naturam. Regnum celorum uim patitur quia gloria Domini Israel patribus debita, a prophetis nunciata, a Christo oblata, fide gencium occupatur et rapitur, dum per penitenciam quam Iohannes predicauit, reuiuiscunt ad celestem patriam quasi in alienum locum redeuntes.

Crisostomus Mattheum XI.

Varia
Fontes proximus et primi
[Back to top]

Meritum q

Securus celsa conscendit qui se in paulo minoribus approbauit et certo precedit uestigio qui gradatim potitur accepto. Sine merito siquidem remuneratum putatur omne quod subitum est, nec inexploratis suspicionem refugit quod repente prouenerit. Econtra omnia deliberata sunt robusta et totum bonis actibus optinuisse creditur qui post documenta laudate milicie promouetur.

Cassiodorus libro I.

Varia
Fons primus
[Back to top]

Meritum r

Sumpsisti nomen ex meritis, custodi ut semper leteris ueritate uocabuli. Nam cum omnis appellatio ad declarandas res uideatur imposita, nimis absurdum est portare nomen alienum et aliud dici quam possit in moribus inueniri. Verum hec bone consciencie dicta sufficiant quia dubitari de illo creditur qui plurimis admonetur.

Cassiodorus ibidem.

Varia
Fontes proximus et primus
[Back to top]

Meritum s

Qui enim est ordine uel dignitate primus, debet esse meritorum laude precipuus.

Idem libro II.

Varia
Fons primus
[Back to top]

Meritum t

Indiscreti hominum mores confusique uagarentur, si aut culpa formidinem aut uirtus premia non haberet.

Idem ibidem.

Varia
Fons primus
[Back to top]

Meritum u

Iunioribus conceditur spes laboris, dum uicissitudo fuerit reddita ueteranis.

Idem libro IIII.

Varia
Fons primus
[Back to top]

Meritum x

Differri non debent merita fidelium ut ad studia bonorum actuum prouocentur uota cunctorum. Demus igitur que sunt iusta laboribus ut prouectu priorum inuitemus corda sequencium.

Ibidem.

Varia
Fons primus
[Back to top]

Meritum y

Sicut enim equum est desidiosis laborancium premia denegare, ita conuenit excultantibus, id est operantibus, remunerationis optata concedere.

Ibidem.

Varia
Fons primus
[Back to top]

Meritum z

Dignum est ut fructus laborum sequantur uota fidelium et superior gradus accipiat quem gestarum rerum integritas affecta commendat.

Ibidem.

Varia
Fons primus
[Back to top]

Meritum ab

Bene moderatrix omnium rerum antiquitas considerauit ut laboris sui precia recipiant qui publicis utilitatibus obsecundant ne quis haberetur preteritus qui probabili fuerat actione laudandus.

Ibidem.

Varia
Fons primus
[Back to top]

Meritum ac

Hoc est profecto difficillimum regnandi genus exercere iuuenem in suis sensibus principatum. Rarum omnino bonum est dominum triumphare de moribus et hoc consequi in florida etate ad quod uix creditur cana modestia peruenire.

Cassiodorus.

Varia
Fons primus
[Back to top]

Meritum ad

Parum laudis habet uirtutum corona que ex labore non descendit; potest quidem habere palmam sed non habet gloriam. Hec est magnarum ratio uirtutum ut quanto plus homo laborat, tanto plus mercedis acquirat.

Valerianus in sermone.

Varia
Fons primus
[Back to top]

Ubi

Anima i
Caritas d
Consolacio e
Gloria mala p
Gloria eterna l, Gloria eterna y, Gloria eterna aq
Gratitudo l, Gratitudo m
Iusticia ab
Ociositas i
Penitencia bc
REMUNERATIO
Sanctitas q
Temptatio b
Tribulatio ak
Voluntas ac, Voluntas ad

Varia