Veritas a

Veritas et dulcis est et amara; quando dulcis est parcit, et quando amara curat.

Augustinus ad Cristinum.

Varia
Fons primus
[Back to top]

Veritas b

Veritas panis est; mentes reficit, nec deficit. Mutat uescentem, nec ipsa in uescentem mutatur.

Augustinus super Iohannem.

Varia
Fons primus
[Back to top]

Veritas c

Veritatis et sapiencie pulcritudo nec multitudine audiencium constipata excludit uenientes, nec peragitur tempore, nec mitigat locis, nec nocte interrumpitur, nec umbra intercluditur, nec sensibus corporis subiacet.

Augustinus libro de libero arbitrio.

Varia
Fons primus
[Back to top]

Veritas d

Si de ueritate scandalum sumitur, utilius permittitur nasci scandalum quam ueritas relinquatur.

Augustinus ibidem.

Varia
Fons primus
[Back to top]

Veritas e

Nullus reprehensor formidandus est amatori ueritatis. Etenim aut inimicus reprehensurus est aut amicus. Si inimicus insultat, ferendus est; amicus autem, si errat, docendus est; si docet, audiendus.

Augustinus libro IIII. de trinitate.

Varia
Fons primus
[Back to top]

Veritas f

Incomparabiliter pulcrior est ueritas Christianorum quam Helena Grecorum.

Augustinus in epistola ad Ieronymum.

Varia
Fons primus
[Back to top]

Veritas g

Errat quisquis se ueritatem cognoscere putat qui adhuc nequiter uiuit.

Augustinus libro de agone Christiano.

Varia
Fons primus
[Back to top]

Veritas h

Qui ueritatem occultat et qui prodit mendacium, uterque reus est; ille quia prodesse non uult, ille quia nocere desiderat.

Augustinus ibidem.

Varia
Fontes proximus et primus
[Back to top]

Veritas i

Libere enim et sine adulatione ueritatem predicantes, et gesta praue uite arguentes, graciam non habent apud homines.

Ambrosius in glossa super illud I. ad Corinthios IIII.: Vos nobiles, nos autem ignobiles.

Varia
Fontes proximus et primus
cf. Predicacio i
[Back to top]

Veritas k

Hec est conditio ueritatis ut eam semper inimicicie persequantur, sicut per adulationem perniciose amicicie conqueruntur. Libenter enim quod delectat, audimus; et offendit omne quod nolumus.

Ieronymus super illud Gallatos IIII.: Ego inimicus uobis factus sum uerum dicens.

Varia
Fons primus
[Back to top]

Veritas l

Mentiri atque iurare lingua tua prorsus ignoret, tantusque in te sit ueritatis amor ut quicquid dixeris, iuratum putes.

Ieronymus ad Cellanciam.

Varia
Fons primus
[Back to top]

Veritas m

Non meretur audire ueritatem qui fraudulenter interrogat.

Ieronymus super Ezechielem.

Varia
Fons primus
[Back to top]

Veritas n

Nichil est ad defendendum puritate tucius, nichil ad dicendum ueritate facilius.

Gregorius in omelia.

Varia
Fons primus
[Back to top]

Veritas o

Ille ueritatis defensor esse debet qui correcte sentit, loqui non metuit nec erubescit.

Gregorius ibidem.

Varia
Fons primus
[Back to top]

Veritas p

Qui necessitate congente uera Dei bona loquitur, tanto magis humilitati iungitur, quanto et ueritati sociatur.

Gregorius in omelia.

Varia
Fons primus
[Back to top]

Veritas q

Bonorum mens quo duriora pro ueritate tolerat, eo eternitatis premia certius sperat.

Gregorius libro X. moralium.

Varia
Fons primus
[Back to top]

Veritas r

Inquirimus ueritatem in nobis, in proximis, in sui natura: in nobis nosmetipsos diiudicando, in proximis eorum malis compaciendo, in sui natura mundo corde contemplando.

Bernardus de duodecim gradibus humilitatis.

Varia
Fons primus
[Back to top]

Veritas s

Cum sint tres gradus seu status ueritatis, ad primum ascendimus per laborem humilitatis, ad secundum per affectum compassionis, ad tercium per excessum contemplationis. In primo ueritas reperitur seuera, in secundo pia, in tercio pura. Ad primum ratio ducit qua nos discutimus, ad secundum affectus perducit quo aliis miseremur, ad tercium puritas rapit qua ad inuisibilia subleuamur.

Bernardus ibidem.

Varia
Fons primus
[Back to top]

Veritas t

Veritas sola liberat, sola saluat, sola lauat.

Bernardus in sermone.

Varia
Fons primus
[Back to top]

Veritas u

Non amat ueritas angulos, non ei diuersoria placent. In medio stat; communi uita disciplina, communibus studiis delectatur.

Bernardus in sermone.

Varia
Fons primus
[Back to top]

Veritas x

Talis est conditio falsitatis uel erroris, eciam nullo sibi obsistente consenescit ac defluit, talis autem e diuerso ueritatis status, eciam multis impugnantibus suscitatur et crescit.

Crisostomus de laudibus Pauli omelia III.

Varia
Fons primus
[Back to top]

Veritas y

Non solum proditor est ueritatis qui mendacium pro ueritate loquitur, sed qui non libere pronunciat ueritatem quam pronunciare oportet, aut non libere defendit ueritatem quam defendere oportet.

Crisostomus super Mattheum.

Varia
Fons primus
[Back to top]

Veritas z

Si propter timorem mortis tacere ueritatem impietas est, quomodo non est maior impietas propter miserum uentrem et honoris uani spem tacere ueritatem meliorem facere graciam panis et honoris quam gloriam ueritatis?

Crisostomus ibidem.

Varia
Fons primus
[Back to top]

Veritas ab

Veritas rerum atque utilitas semper a paucis sapientibus melius inuenitur, quam per multitudinem clamosam discuciatur. Multitudo enim onerosa nil habet honesti.

Cassiodorus in quadam epistola.

Varia
Fontes proximus et primi
[Back to top]

Veritas ac

Diuites cum omnia habeant, unum illis deest, scilicet qui uerum dicat. Si enim in clientulum felicis hominis potentisque perueneris, aut ueritas aut amicicia perdenda est.

Seneca in quadam epistola.

Varia
Fons primus
[Back to top]

Veritas ad

Magna est uis ueritatis que contra omnium ingenia, caliditatem, solerciam et contra fictas hominum insidias facile se per se ipsam defendit.

Seneca in epistola.

Varia
Fons primus
[Back to top]

Veritas ae

Nimium altercando ueritas amittitur.

Seneca in prouerbiis.

Varia
Fons primus
[Back to top]

Ubi

Adulacio bd
Amicicia bk
Amor bd
Correctio af
Doctrina bo, Doctrina bp
Exercitacio k
Miseria i
Periculum c
Predicacio i
Querere h
Sapiencia b
Scandalum c
Tribulatio ad

Varia