Labor a

Diuersis seminibus pectoris tui colles sere, nunc alimoniis mediocribus, nunc ieiuniis parcioribus, lectione, opere, prece ut mutatio laboris inducie sint quietis.

Augustinus de uirginitate.

Varia
Fons primus
[Back to top]

Labor b

Cicius auditur una oratio obedientis quam decem milia contemptoris. Talis fuit oratio pharisei.

Augustinus de opere monachorum.

Varia
Fons primus
[Back to top]

Labor c

Non deserentes in labore persistere quia subleuatio laboris est uisio collaborantis.

Gregorius libro V. moralium.

Varia
Fons primus
[Back to top]

Labor d

Sancti uiri quot labores misericordie ueritati commendantes exhibent, tot iam remunerationis sue pignora intra spei sue cubiculum clausa tenent.

Gregorius in moralibus.

Varia
Fons primus
[Back to top]

Labor e

Quibusdam prauis mentibus nichil est laboriosius quam si eis precipiatur ut in huius mundi actibus non laborent.

Gregorius super Ezechielem.

Varia
Fons primus
[Back to top]

Labor f

Nullus labor durus, nullum tempus longum uideri debet quo gloria eternitatis acquiritur.

Ieronymus in epistola.

Varia
Fons primus
cf. Gloria eterna y
[Back to top]

Labor g

Quantis sudoribus hereditas cassa expetitur et minore labore promissa margarita Christi emi poterat.

Ieronymus ad Nepocianum.

Varia
Fons primus
[Back to top]

Labor h

Qui in labore hominum non sunt, in labore profecto demonum erunt.

Bernardus super Cantica.

Varia
Fons primus
[Back to top]

Labor i

Causam laboris cogitet in labore ut ipsa ei pena quam patitur, culpam pro qua patitur representet.

Bernardus in sermone.

Varia
Fons primus
[Back to top]

Labor k

Libentius suscipitur labor pro desiderio uoluptatis quam pro amore uirtutis.

Leo papa de ieiunio septimi mensis.

Varia
Fons primus
[Back to top]

Labor l

Generosos animos labor nutrit. Laborem, si recuses, parum esse posce. Non est uiri timere sudorem.

Seneca XXXVII. epistola.

Varia
Fons primus
[Back to top]

Labor m

Multum abhorret opus cuius inchoatio inuidia; continuatio est labor, finis est odium.

Seneca in epistola.

Varia
Fons primus
[Back to top]

Labor n

Si qua per laborem recte feceritis, labor cito recedet; bene factum dum uiuitis, non abscedit. Si qua per uoluptatem prauam nequiter feceritis, uoluptas cito abibit, nequiter factum apud uos semper manebit.

Seneca ibidem.

Varia
Fons primus
[Back to top]

Ubi

Accidia f, Accidia g
Consolacio e
Honor e
Perseuerancia f
Religio k
Sapiencia ak
Sollicitudo a

Varia