Societas a

Nullo modo fit minor accedente siue permanente consorte possessio bonitatis, immo possessionem bonitatis, quanto lacius tanto concordius indiuidua sociorum possidet caritas. Non habebit denique istam possessionem qui eam noluerit habere communem, et tanto eam reperiet ampliorem, quanto amplius sibi potuerit amare consortem.

Augustinus de ciuitate Dei.

Varia
Fons primus
[Back to top]

Societas b

Non turbatur nauis que Petrum habebat; turbatur illa que Iudam habebat. Et si multa illuc discipulorum merita naufragabant, tamen adhuc perfidia proditoris agitabat. In utraque Petrus sed qui suis meritis firmus est, turbatur alienis. Caueamus igitur perfidum, caueamus proditorem ne per unum plurimi fluctuemus.

Ambrosius super Lucam libro IIII.

Varia
Fons primus
[Back to top]

Societas c

Voluit Christus deseri, uoluit prodi, uoluit ab apostolo suo tradi ut tu si desertus a socio, proditus ab ipso, moderate feras tuum errasse iudicium, periisse beneficium.

Ambrosius ibidem libro V.

Varia
Fons primus
[Back to top]

Societas d

Erat in nauicula Symon Petrus sed erat pariter et Iudas proditor. Quamuis illius fides fundaret nauiculam, huius tamen perfidia eam perturbabat. Tranquillitas est ubi solus Petrus nauigat, tempestas ubi Iudas adiungitur. Licet esset Petrus firmus suis meritis, perturbabatur tamen criminibus proditoris. Vnius igitur delicto cunctorum merita quatiuntur.

Ambrosius in sermone de cathedra sancti Petri.

Varia
Fons primus
[Back to top]

Societas e

Tollerandi ubique sunt proximi quia Abel fieri non ualet quem Caym malicia non exercet. Vnum uero est pro quo uitari societas malorum debeat ne, si fortasse corrigi non ualent, ad imitationem trahant et cum ipsi sua malicia non mutantur, eos qui sibi coniuncti fuerint peruertant.

Gregorius omelia IX. super Ezechielem.

Varia
Fons primus
[Back to top]

Societas f

Bonus malo sic connectitur, aut pares redduntur, aut cito ab inuicem separantur. Amicicie enim pares aut querunt aut faciunt.

Crisostomus super Matheum.

Varia
Fons nondum repertus
[Back to top]

Societas g

Rerum natura sic est ut quociens bonus malo coniungitur, non ex bono malus melioretur, sed ex malo bonus contaminatur. Diuersitas enim rerum nunquam potest habere concordiam et multos sollicitat societas nephanda.

Crisostomus ibidem.

Varia
Fons nondum repertus
[Back to top]

Societas h

Viciosus consciencias uiciosorum non refugit, et ubi omnes sordent, unius minime fetor sentitur.

Bernardus libro de consideratione.

Varia
Fons primus
[Back to top]

Societas i

Ante ignem consistens, eciam si ferreus sis, aliquando dissolueris, proximus periculo diu tutus non eris. Per assiduitatem cito peccat homo. Sepe familiaritas implicauit; sepe occasionem peccandi dedit; sepe quos uoluntas non potuit, assiduitas superauit.

Ysidorus libro II. soliloquiorum.

Varia
Fons primus
[Back to top]

Societas k

Melius est habere malorum odium quam consorcium. Sicut bona multa habet communis uita sanctorum, sic plurima mala societas affert malorum.

Ysidorus ibidem.

Varia
Fons primus
[Back to top]

Societas l

Amabilis socius omnibus est officiosus et nulli onerosus quia deuotus ad Deum, benignus ad proximum, sobrius ad mundum; Domini seruus, proximi socius, mundi dominus. Superiora habet ad gaudium, equalia ad consorcium, inferiora ad seruicium.

Hugo libro I. de anima.

Varia
Fons primus
[Back to top]

Societas m

Remedium enim est quem conuerti uelle non uideris, uitare si possis.

Cassiodorus super illud Psalmorum: Declinate a me maligni.

Varia
Fons primus
[Back to top]

Societas n

Ipsi quoque homini duplices manus, socias aures, oculos geminos diuina tribuerunt ut robustius perageretur officium quod duorum fuerat societate complendum.

Cassiodorus libro III. epistolarum.

Varia
Fons primus
[Back to top]

______________________________

Melior est societas simplicis inter sapientes nutriti quam prudentis cum lecatoribus educati. Dulcior est sapienti aspera uita inter sapientes quam dulcis inter insipientes.

Petrus Rauennas.

Varia
Fons primus
[Back to top]

Societas o

Si quis in celum ascendisset, naturam mundi et pulcritudinem syderum prospexisset, suauem illam admirationem sibi fore que iocundissima fuisset; si aliquando cui narrasset haberet, sic natura solitarium nichil amat.

Tullius de amicicia.

Varia
Fons primus
[Back to top]

Societas p

Magna pars peccatorum tollitur, si peccatori testis assistit. Aliquem habeat animus quem uereatur cuius auctoritate secretum suum sanctius faciat, iuxta illud: Vt uicium uites uiciique suspicionem, semper eos tecum quos uerearis habe.

Seneca epistola XI.

Varia
Fons primus
[Back to top]

Societas q

O felicem illum qui sic aliquem uereri potest ut ad memoriam quoque eius se componat atque ordinet! Qui sic aliquem uereri potest, cito erit uerendus, nisi ad regulam praua corriget.

Seneca ibidem.

Varia
Fons primus
[Back to top]

Societas r

Humanitas uetat superbum esse apud socios, uetat auarum; uerbis, rebus, affectibus communem se facilemque omnibus prestat; nullum alienum malum putat, bonum autem suum ideo maxime quod alicuius bonum futurum esse amat.

Seneca in epistola.

Varia
Fons primus
[Back to top]

Societas s

Omnium societatum nulla prestancior est, nulla firmior est quam cum uiri boni moribus similes sunt familiaritate coniuncti.

Seneca in epistola.

Varia
Fons primus
[Back to top]

Societas t

Nulla res magis animos induit honestos et in prauum inclinabiles reuocat ad rectum quam bonorum uirorum conuersatio. Paulatim enim descendit in pectora et uim preceptorum optinet frequenter aspici, frequenter audiri.

Idem ibidem.

Varia
Fons primus
[Back to top]

Societas u

Conuictor delicatus paulatim eneruat et emollit. Necesse est aut imiteris aut oderis; utrumque autem deuitandum est ne aut similis malis fias quia multi sunt, ne uel inimicus multis quia dissimiles sunt. Cum hiis conuersare qui te meliorem facturi sunt, illos admitte quos tu potes facere meliores.

Seneca ibidem.

Varia
Fons primus
[Back to top]

Societas x

Nullius rei sine socio iocunda est possessio. Non magis utilitati est ager cum redditibus amplis quam uicinus equalis cum moribus bonis. Sit tibi erga singulos salsi libra sermonis ut te blandum pueri, comitem iuuenes, grauem senes meciantur.

Seneca in epistola.

Varia
Fons primus
cf. Conuersacio am & Doctrina siue doctor bq
[Back to top]

Societas y

Ante circumspiciendum est cum quibus edas et bibas quam quid edas et bibas.

Seneca in epistola.

Varia
Fons primus
[Back to top]

______________________________

Comes facundus in uia pro uehiculo est.

Seneca in prouerbiis.

Varia
Fons primus
[Back to top]

Ubi

Amicicia bx, Amicicia da
Consolatio q
Conuersatio d, Conuersatio g, Conuersatio am, Conuersatio an, Conuersatio ap, Conuersatio at, Conuersatio ax, Conuersatio ay
Discere l
Excusatio e
FRATERNITAS
Pax ac

Varia