Adiutorium a

Homines omnes eque diligendi sunt, sed si omnibus prodesse non possis, hiis potissimum subueniendum est qui pro locorum et temporum uel quarumlibet rerum opportunitatibus constrictius tibi quasi quadam sorte iunguntur.

Augustinus de doctrina Christiana libro I.

Varia
Fons primus
cf. Dilectio g
[Back to top]

Adiutorium b

Hec lex est diuine prouidencie ut nemo a superioribus adiuuetur ad cognoscendam graciam Dei qui non ad eandem puro affectu inferiores adiuuerit.

Augustinus de uera religione.

Varia
Fons primus
[Back to top]

Adiutorium c

Iustum consilium est ut qui se a potentiori uult adiuuari, adiuuet et infirmiorem in quo est ipse potentior.

Augustinus de sermone Domini in monte libro I.

Varia
Fons primus
cf. Misericordia d
[Back to top]

Adiutorium d

Nichil sic probat amicum sicut oneris amici portacio.

Augustinus de uerbis apostoli capitulo XX.

Varia
Fons primus
[Back to top]

Adiutorium e

Eleganter dictum est cum quis in puteum cecidisset et aqua eum suffocaret, accessit alius eo uiso admirans ait: Quomodo huc cecidisti? Obsecro, inquit, cogita quomodo hinc me liberes, non quomodo huc ceciderim, queras.

Augustinus in epistola ad Ieronymum.

Varia
Fons primus
[Back to top]

Adiutorium f

Non facile inueniuntur in aduersitate presidia que non fuerint in pace quesita.

Augustinus in sermone.

Varia
Fons primus
cf. Tribulatio h
[Back to top]

Adiutorium g

Necessitates aliorum quantum possumus iuuemus et plus interdum quam possumus. Nichil tam secundum naturam est quam iuuare consortem nature.

Ambrosius de officiis.

Varia
Fons primus
[Back to top]

Adiutorium h

Si non potest alteri subueniri nisi alter ledatur, commodius est neutrum iuuari quam grauari alterum.

Ambrosius de officiis libro III.

Varia
Fontes primi
[Back to top]

Adiutorium i

Vult enim Deus unumquemque alterius angustias ut proprias sentire, et quomodo sibi in tali tribulacione si esset subueniri cuperet, ita ipse alteri propter Deum subuenire non postponat.

Ieronymus in epistolis.

Varia
Fons primus
[Back to top]

Adiutorium k

Impudens postulacio tempore necessitatis et angustie ab eo querere auxilium quem in prosperitate contempseris.

Ieronymus super Ieremiam libro I. super illud: In tempore afflictionis dicent surge et cetera.

Varia
Fons primus
[Back to top]

Adiutorium l

Habens loquendi locum apud diuitem, dampnacionem pro retento talento timeat, si non apud eum sicut ualet pro pauperibus intercedat.

Gregorius in omelia.

Varia
Fons primus
cf. Adiutorium m & Misericordia ae
[Back to top]

Adiutorium m

Habens intellectum, curet omnino ne taceat; habens rerum affluenciam, a misericordia non torpescat; habens artem qua regitur, usum illius cum proximo parciatur; habens loquendi locum apud diuitem, pro pauperibus intercedat. Talenti enim nomine cuilibet reputabitur quod eciam minimum accepit.

Gregorius in quadam omelia.

Varia
Fons primus
cf. Adiutorium l & Misericordia ae
[Back to top]

Adiutorium n

Qui potest emendare et negligit, participem se proculdubio constituit; qui alterius bonum adiuuat, suum facit.

Gregorius in registro.

Varia
Fons primus
[Back to top]

Adiutorium o

Minus proximum amare conuincitur qui non cum eo in necessitate illius ea que sibi sunt necessaria partitur.

Gregorius in omelia.

Varia
Fons primus
[Back to top]

Adiutorium p

Tunc amor tuus ad te ipsum temperans erit et iustus, si quod propriis subtrahitur uoluptatibus fratris necessitatibus non negetur. Sic amor socialis efficitur cum in commune protrahitur.

Bernardus de diligendo Deo.

Varia
Fons primus
[Back to top]

Adiutorium q

Oleum pietatis et miseracionis unguentum quanto copiosius in fraternas necessitates effunditur, tanto donis potioribus augmentatur.

Cassiodorus in quadam epistola.

Varia
Fons primus
[Back to top]

Adiutorium r

Age sic aliud ut tuum non obliuiscaris negocium. Amicis enim ita prodesse debemus ut nobis non noceamus.

Cassiodorus in epistola.

Varia
Fontes proximus et primus
[Back to top]

Adiutorium s

Quid tibi, fidelissime, opus sunt arma qui habere talia probaris auxilia? Ipse enim pro te pugnat cui nullus resistit; ipse insequitur quem nullus declinat.

Cassiodorus super Psalmum LV.

Varia
Fons primus
[Back to top]

Adiutorium t

Gratum debet esse subsidium cuius solucio magis soluenti crescit in commodum quam suscipienti proficiat in augmentum, et quod dantem iuuat et accipientem pro temporis necessitate letificat ut sic in una mercacione quod raro solet emergere, utrique uideantur desiderata commoda percepisse. Cassiodorus in quadam epistola.

Varia
Fons primus
[Back to top]

Adiutorium u

Satis ibi uacillat humanum studium ubi non requiritur Dei auxilium.

Valerius in quodam sermone.

Varia
Fons primus
[Back to top]

Adiutorium x

Homini iocundo et probo miserimum est, si eum amare oportet quem non iuuat.

Seneca de beneficiis.

Varia
Fons primus
[Back to top]

Adiutorium y

Habet in aduersis auxilia qui in prosperis commodat.

Seneca in prouerbiis.

Varia
Fons primus
[Back to top]

Adiutorium z

(Adiutorium z abest in manuscriptis)

Adiutorium ab

Qui succurrere perituro potest, cum non succurrit, occidit.

Seneca in prouerbiis.

Varia
Fons primus
[Back to top]

Adiutorium ac

Nemo non cum alteri prodest sibi profuit. Virtutum omnium precium in ipsis est; recte facti fecisse merces est.

Seneca LXXXII. epistola.

Varia
Fons primus
[Back to top]

Adiutorium ad

Succurre paupertati amicorum stude, immo pocius occurre.

Seneca in libello de moribus.

Varia
Fons primus
[Back to top]

Adiutorium ae

Penam a quo merueris, frustra petis auxilium. Ab alio expecta, alteri quod feceris.

Idem.

Varia
Fons primus
[Back to top]

Adiutorium af

Fructus ingenii et uirtutis omnisque prestancie, tunc maximus capitur cum in proximum quemque confertur.

Tullius de amicicia.

Varia
Fons primus
[Back to top]

Ubi

Desperacio e
Dilectio g
Misericordia d
Tribulatio h

Varia