Confidencia
Confidencia a
Aduersaria est confidencia que periculis uitam suam pro certo commendat. Et lubrica spes est que inter fomenta peccati saluari se sperat. Incerta uictoria est inter hostilia arma pugnare,
et impossibilis liberacio est flammis circumdari et non ardere.
Augustinus de singularitate clericorum.
Fontes proximus et primus
[Back to top]
Confidencia b
Expedit magis bene timere quam male fidere; et utilius est ut infirmum se homo cognoscat ut fortis existat, quam fortis uideri uelit et infirmus emergat.
Augustinus ibidem (de singularitate clericorum).
Fons primus
[Back to top]
Confidencia c
Nemo de suo corde presumat quando profert sermonem; nemo de suis uiribus confidat quando suffert temptacionem, quia ut et bona prudenter loquamur, a Deo est non nostra sapiencia; et ut mala fortiter perferamus,
ab illo est non nostra paciencia.
Augustinus in sermone de sancto Vincencio.
Fons primus
[Back to top]
Confidencia d
O homo, securum habes accessum ad Deum, ubi mater ante filium, filius ante patrem. Mater ostendit filio pectus et ubera, filius ostendit patri latus et uulnera. Ibi non potest esse ulla repulsa,
ubi tot currunt caritatis insignia.
Bernardus in sermone.
Fons primus
[Back to top]
Confidencia e
Non confidat predicator uel auditor uerbi diuini de acumine ingenii, de subtilitate scrutinii, de sedulitate studii, sed magis confidat de bonitate Dei, de pietate oraculi, de humilitate cordis intimi.
Hugo de sancto Victore in suo didascalicon.
Fons nondum repertus
[Back to top]
Confidencia f
Confidencia est ex uirtutum consciencia immotam mentem inter aduersa sibi constare.
Hugo ibidem.
Fons primus
[Back to top]
Confidencia g
Confidencia est certa spes animi perducendi ad finem rem inchoatam.
Tullius.
Fons primus
[Back to top]
Confidencia h
Confidencia est per quam magnis et honestis rebus multum ipse animus in se fiducie cum spe collocauit.
Tullius alibi.
Fontes proximus et primus
[Back to top]
Confidencia i
Magna contra dyabolum arma sunt in suis uiribus fiduciam non habere, sed Deum rogare qui aduersarium possit opprimere.
Cassiodorus super illud Psalmi: Quoniam humiliata est in puluere anima nostra.
Fons primus
[Back to top]
Ubi
Amicicia chBellum a
DESPERACIO
Fides y
Presumptio h
SECURITAS
Varia
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants partly funded by WLU operating funds and partly by SSHRC General Research Grants awarded to WLU.
