Pietas a

Penes Deum nec pietas sine iusticia est, neque sine pietate iusticia. Celesti sensu sine bonitate equitas, sine equitate bonitas non habetur. Equitas sine bonitate seuicia est, et iusticia sine pietate crudelitas.

Augustinus in quodam sermone.

Varia
Fons primus
[Back to top]

Pietas b

Pietas amica parentibus, grata Deo, Dominum consiliat, necessitudines fouet: Dei cultura, merces parentum, filiorum stipendium. Pietas, inquam, iustorum tribunal, egenorum portus, miserorum suffragium, indulgencia peccatorum.

Ambrosius super Beati immaculati.

Varia
Fons primus
[Back to top]

Pietas c

Sepe flectit humanitas quod nec uirtus potuit superare nec racio.

Ambrosius in quadam epistola.

Varia
Fons primus
[Back to top]

______________________________

Necessitudini generis diuine religionis pietas antefertur. Nulla enim merces Deo melior quam ea que habet pietatis munera.

Ambrosius in libro de uiduis.

Varia
Fontes primi
[Back to top]

Pietas d

Volens discipulus reuerti domum et suis antea renunciare, magistri uoce prohibetur. Sepultura patri non datur et pietatis genus est impium esse pro domino.

Ieronymus in epistola ad Marcellam.

Varia
Fons primus
[Back to top]

Pietas e

Grandis in suos pietas impietas in Deum est. Nemo pietatem debet anteferre religioni; qui amat filium aut filiam super me, non est me dignus.

Ieronymus in epistola ad Paulam.

Varia
Fontes primi
[Back to top]

Pietas f

Ordinate in me caritatem, in Canticis. Rectus ordo est post Deum amare patrem et amicos. Si tamen necessitas uenerit ut utrumque seruari non possit, odium in suos pietas est in Deum.

Ieronymus ibidem.

Varia
Fons primus
[Back to top]

Pietas g

Ille bene agit que pia sunt, qui scit prius seruare que iusta sunt, ut collatus in proximis riuus misericordie de iusticie fonte ducatur.

Gregorius libro XIX. moralium.

Varia
Fons primus
[Back to top]

Pietas h

Sunt nonnulli qui pietatis sue uiscera tendere usque ad incognitos nesciunt, sed solum quos per assiduitatem noticie didicerunt miserentur, apud quos plus familiaritas quam natura ualet, dum quibusdam necessaria, non quia homines, sed quia noti sunt largiuntur.

Gregorius libro XXI. moralium.

Varia
Fons primus
[Back to top]

Pietas i

Beneficium debet exhiberi per pietatem et bonum uerbum tribui per humilitatem.

Gregorius ibidem.

Varia
Fons primus
[Back to top]

Pietas k

Pensemus si possumus dispensacionem superne pietatis. Stantibus si ceciderint, minatur penam; lapsis uero ut surgere appetant, promittit misericordiam. Considerantes namque quod iustus est, peccata uestra nolite negligere; considerantes quod pius est, nolite desperare.

Gregorius in quadam omelia.

Varia
Fons primus
[Back to top]

Pietas l

Nulla est sciencia si utilitatem pietatis non habet; et ualde inutilis est pietas si sciencie discrecione caret.

Gregorius libro I. moralium.

Varia
Fontes proximus et primus
[Back to top]

Pietas m

O clementissima pietas que non sua desinit largiri beneficia, non solum ubi nullum inuenit meritum, sed plerumque eciam ubi totum uidetur contrarium!

Bernardus in quadam epistola.

Varia
Fons primus
[Back to top]

Pietas n

Pietas est ex benigne mentis dulcedine grata omnibus auxiliatrix affectio et diuini cultus religiosa deuocio.

Hugo in libro de claustro anime.

Varia
Fons primus
[Back to top]

Pietas o

Hec enim est perfecta pietas que antequam flectatur precibus, nouit considerare fatigatos.

Cassiodorus libro IIII. epistolarum.

Varia
Fons primus
[Back to top]

Pietas p

Pietas est per quam sanguine iunctis patrieque beniuolis officium et diligens tribuitur cultus.

Tullius in sua rethorica.

Varia
Fontes proximus et primus
[Back to top]

Pietas q

Eximia cyconiis inest pietas. Nam quantum temporis impenderunt fetibus educandis, tantum et ipse a pullis inuicem aluntur.

Solinus in libro de mirabilibus mundi.

Varia
Fons primus
[Back to top]

Pietas r

Leonum clemencie indicia multa sunt, prostratis parcunt, in uiros pocius quam in feminas seuiunt, infantes non nisi magna fame perimunt nec a misericordia separantur.

Solinus ibidem.

Varia
Fons primus
[Back to top]

Ubi

Beneficiencia f
Caritas m
COMPASSIO
Deuocio l
Elemosina b
MISERICORDIA
Relinquere g, Relinquere l

Varia