Exercitacio a

Cum sit utilis ad instruendum lectio, adhibita collacione maiorem intelligenciam prebet. Melius est enim conferre quam legere. Collacio docibilitatem facit. Nam propositis interrogacionibus cunctacio rerum excluditur, et sepe obiectionibus latens ueritas reperitur.

Ysidorus de summo bono libro III.

Varia
Fons primus
[Back to top]

Exercitacio b

Sepe illa que in publico non ualemus necessario, quemdam prius in secreto exercitacionis usum exposcunt, quia si ea prorsus in occulto negligimus, uti postmodum eis dum opus est in publico non ualemus.

Hugo de institucione nouiciorum.

Varia
Fons primus
[Back to top]

Exercitacio c

Constat omnem operam, si longa intercapedine quiescat, egre resumi. Quis enim ignoret cunctis aut artificibus aut artibus maximum decus usu uenire, cumque studia consueta non frequentantur, brachia in corporibus, ingenia pigrescere in artibus?

Cassiodorus libro IX. epistolarum.

Varia
Fons primus
[Back to top]

Exercitacio d

Egrescit profecto ingenium nisi iugi lectione reparetur. Cito expenduntur horrea que assidua non fuerint adiectione fulcita. Thesaurus ipse quam facile profunditur, si nullis iterum pecuniis completur. Sic humanus sensus cum alieno non farcitur inuento, cito potest attenuari de proprio.

Cassiodorus libro IIII. epistolarum.

Varia
Fons primus
[Back to top]

Exercitacio e

Omnes artes omniaque opera cotidiano usu et iugi exercitacione proficiunt. Quod si in paruis uerum est, quanto magis decet in maximis custodiri.

Vegecius de re militari libro II.

Varia
Fons primus
[Back to top]

Exercitacio f

Exercitacio est assiduus usus et consuetudo.

Tullius II. rethorice.

Varia
Fons primus
[Back to top]

Exercitacio g

Quem in ipsa re trepidare nolueris, ante rem exerceas.

Seneca XXIII. epistola.

Varia
Fons primus
cf. Securitas q
[Back to top]

Exercitacio h

Diligencia operis cuiuslibet obtusitas permollitur. Sicut prudencia sine iusticia parum uel nichil prodest, iusticia uero sine prudencia multum, sic sine usu sciencia parum, usus autem sine sciencia multum.

Boecius de disciplina scolarium.

Varia
Fons primus
[Back to top]

Exercitacio i

Constancia parit opus; inconstancia parta dissoluit.

Ibidem.

Varia
Fons primus
[Back to top]

Exercitacio k

Scintillula difficilis ueritatis facilius in disserendo reperitur quam si studio obseruancie per multum tempus committeretur, iuxta illud Aristotilis: Bona opinio facit uidere uerum.

Boecius ibidem.

Varia
Fons primus
[Back to top]

Ubi

Bellum q, Bellum r, Bellum x, Bellum ac, Bellum ag, Bellum an
Discrecio a
Doctrina ac
Iuuentus e
Studium g, Studium i
Vita ai

Varia