Sobrietas a

Sobrietas est mentis et sensus, membrorum omnium corporisque tutela, castitatis pudicicieque munimen, pudori proxima, amicicie pacisque serua, honestatique semper coniuncta, criminum uiciorumque omnium profuga.

Augustinus libro ad sacras uirgines.

Varia
Fons primus
[Back to top]

Sobrietas b

Sobrietas est recti iudicii tenax, memorie recordationisque inseparabilis sapiencie, secretorum custos, archani uelamen, lectionum et doctrine capax, studiorum et arcium bonarum discipula pariter et magistra, ingeniorum et capiendorum pedisseca, bone fame semper auida, in cogitationibus salubria atque utilia creans, uirtutis singulare auxilium, cuncta cum ratione disponens, in congregatione honestorum se ipsam semper ingerens.

Augustinus ibidem.

Varia
Fons primus
[Back to top]

Sobrietas c

Sobrietas temeritatem fugit, pericula cuncta declinat, mutuis officiis obtemperat, superbiam detestatur, domum familiamque cum moderatione gubernat, fidem sibi committentibus seruat.

Augustinus ibidem.

Varia
Fons primus
[Back to top]

Sobrietas d

Sobrietatis perseuerancia inestimabilis est animi fortitudo; omnes eam uirtutes et omnes laudum semper tituli concupiscunt quia sine ipsa ornari aut placere non possunt.

Augustinus ibidem.

Varia
Fons primus
[Back to top]

Sobrietas e

Simplicior uictus et mensa mediocris plurimum iocunditatis habet et uoluptatis, econtrario uero diuitum mense execrabiles quedam et horride ac membrorum contaminationis plene.

Crisostomus.

Varia
Fons primus
[Back to top]

Sobrietas f

Sobrietas omnium uirtutum mater est, sicut econtrario ebrietas omnium uiciorum origo.

Origenes omelia XXXVII.

Varia
Fons primus
[Back to top]

Sobrietas g

Ebrietas felix, sacietas salutaris que quanto copiosius sumitur, tanto sobrietatem mentibus donare dignatur.

Cassiodorus super Psalmum LXIIII.

Varia
Fons primus
[Back to top]

Sobrietas h

Recens esce perceptio tam in uespertinis quam in nocturnis orationibus tenuem leuemque sensum non sinit inueniri. Ideoque satis commodum et utile hora nona refectionis tempus indultum est in quo reficiens monachus non solum in nocturnis uigiliis leuis ac uacuus, uerum eciam in ipsis uespertinis sollempnitatibus digesto iam cibo aptissimus inuenitur.

Iohannes Cassianus in collatione abbatis Moysi.

Varia
Fons primus
[Back to top]

Sobrietas i

Si quod nature satis est replere indigenciam uelis, nichil est quod fortune affluenciam petas. Paucis enim minimisque natura contenta est cuius sacietatem, si superfluis uelis urgere, aut iniocundum quod infuderis fiet aut noxium.

Boecius de consolatione libro I.

Varia
Fons primus
[Back to top]

Sobrietas k

Hanc sanam ac salubrem formam uite tenete ut corpori tantum indulgeatis, quantum bone ualitudini satis est. Cibus famem sedet, potio sitim extingat, uestis frigus arceat, domus munimentum sit aduersus infesta corporis. Hanc utrum cespes erexerit aut uarius lapis gentis aliene nichil interest. Scitote tam bene hominem culmo quam auro tegi. Cogitate nichil preter animum esse mirabile cui magno nichil magnum est.

Seneca epistola VIII.

Varia
Fons primus
[Back to top]

Sobrietas l

Sine fastidio implendus est uenter. Quid enim ad rem pertinet quid accipiat, perditurus quicquid acceperit?

Seneca epistola XXI.

Varia
Fons primus
[Back to top]

Sobrietas m

Sobrietas est affectus moderationis contra incentiua crapule et diluuium ebrietatis.

Tullius de officiis.

Varia
Fons nondum repertus
[Back to top]

Ubi

ABSTINENCIA
EBRIETAS
Gloria mala al
GULA
Sacerdos n
TEMPERANCIA

Varia